Gosewe laba 12:3 - O Debleskro Lab 2024 (Sinte-Manouche)

³ O čilačepen dell kekes i zoor, te ačell lo zoreles tardo. Kova, kay an o čačepen hi, ačell zoreles tardo har i rouk bare drabentsa.

O Debleskro Drom 2021 (Sinte)

³ O tchilatchepen dell kekes i soor, te atchell lo soreles tardo. Kowa, kai an o tchatchepen hi, atchell soreles tardo har i ruk bare drabentsa.

Gosewe laba 12:3 Iomraidhean Croise

Hiob 15:29

Yob ačell gar bravelo. Leskro bravlepen ačell gar. Kova, hoy les hi, vell gar bareder ap kay phoub.

Debleskri gili 15:5

Te patsas lo peskre love, lell lo gar boudeder love pale. Ninna te denn le les shoukar koova, anell lo kek rhorhepen ap koleste, kay kek čilačepen kras. Koon yaake djivella, kova hi zoreles tardo an peskro djipen.

Gosewe laba 10:25

Har i zorelo dourho pral i phoub phourdas, his o čilačo bouder gar koy. Kova, kay an o čačepen tardo hi, ačell hako tsireske.

Gosewe laba 11:5

Ko čačo koova, hoy o Debleskre menshe krenna, krell lengre dromma čačo. Ko čilačo nashrell pes an peskro čilačo koova.

Gosewe laba 12:12

Čilače menshenge hi shoukar, te krenn le midjak koova. Kolla, kay an o čačepen tardo hi, hi zoreles tardo oun krenn lačo koova.

Sikepaskro 8:8

O menshes hi kek zoor, te nay rikrell lo o phourdepen pre. Oun les hi kek zoor pral ko dives, kay merell lo. Ninna glan o kourepen nay nashell peske kek. Oun peskro čilačo koova nay lell gar o čilačes vin dran i bibarht.

Efesarja 3:17

Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba djan dour an i phoub. Oun t'mer han har i kheer, hoy zoreles tardo hi.

Kolossarja 2:7

te vell t'maro patsepen yaake zorelo har i rouk, hoy zoreles an i phoub tardo hi! Ma moukenn ko čačo drom, hoy t'mende siklo vas! Bistrenn vitar gar, te parkrenn t'men boud pash o Debleste!

1. Samuel 25:33

Oun sharedo vell tiro gosvepen, te rikral tou man kava dives pale, te anap rat ap mande, oun dap miro vasteha pale!