Gosewe laba 12:25 - O Debleskro Lab 2024 (Sinte-Manouche)

²⁵ I pharo dji tserdell i menshes tele. I lačo lab krell les barhtelo.

O Debleskro Drom 2021 (Sinte)

²⁵ I pharo dji tserdell i menshes tele. I latcho lab krell les bachtelo.

Gosewe laba 12:25 Iomraidhean Croise

Debleskri gili 38:6

Miro boud doukepen khandella, oun i djelto pani djal dran o doukepen vin. Dran miro dinlepen vell kova ap mande.

Debleskri gili 42:11

Yon sanenn pral mande oun poučenn mandar hako dives: “Kay hi tiro Devel? Kay ačell lo?” Lengro praasepen hi mange har i merepaskro doukepen an mire kokale.

Gosewe laba 12:18

Laba, hoy sik vin rakedo venna, nay denn čourye har i rharo. O rakepen i goseve menshendar anell sastepen.

Gosewe laba 12:26

Kova, kay an o čačepen tardo hi, hatsell peskro drom. I čilačen anell pengro drom kote, kay djan le nashedo.

Gosewe laba 14:10

Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Gosewe laba 15:13

I barhtelo dji moukell o mouyes te sal. Kones i pharo dji hi, koles hi či sapaske.

Gosewe laba 15:15

Kolen, kay i pharo dji hi, kolenge hi hake divessa čilače. Yekes, kay shoukapen an o dji hi, leskro dji givell oun bashrell hako dives.

Gosewe laba 15:23

Barhtelo hi o morsh, te djinell lo, hoy te rakrell lo. Har lačo hi o čačo lab ap o čačo tsiro.

Gosewe laba 15:30

Te dikeh lačes ap yekeste, vell lo barhtelo. Te peneh leske i lačo lab, vell lo zorelo.

Gosewe laba 16:24

Kamle laba hi har gvin, rakrenn kamles an o dji oun denn nevi zoor.

Gosewe laba 17:22

I barhtelo dji hi mishto tiro sastepaske. Te hi touke hako tsiro ropaske, nashreh tiri zoor.

Gosewe laba 18:14

I mensho kay zorelo an peskro dji hi, nay hidjrell peskro nasslepen. Te hi leskro dji phagedo, har nay hidjrell lo peskro pharepen?

Gosewe laba 25:11

I lab rakedo an o čačo tsiro, hi har sonakangre phabya an i roupeno čaro.

Gosewe laba 27:9

Djet oun soungepaskre kashta krenn o dji barhteles. Feteder hi o djiyeskro kamlepen i malestar.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Zakarie 1:13

Oun o baro Devel rakras lače oun kamle laba ap peskro bolepaskro.