Gosewe laba 1:33 - O Debleskro Lab 2024 (Sinte-Manouche)

³³ Koon ap mande shounell, nay djivell kek daryah, oun leskro dji hounte darell kek bibarht.

O Debleskro Drom 2021 (Sinte)

³³ Koon ap mande shunell, nai djiwell kek darjah, un leskro dji hunte darell kek bibacht.

Gosewe laba 1:33 Iomraidhean Croise

Hiob 36:11

Te shounenn le ap leste, oun krenn, hoy yob lendar kamell, palle djal lenge mishto, oun yon hi barhtelo an kol tsele bersha, hoy glan lende hi.

Debleskri gili 81:13

Yaake moukom len kova te krell, hoy yon kaman, oun moukom len pal pengro shero te djal.

Gosewe laba 12:21

Kek čilačo koova vell ap kolende, kay an o čačepen tardo hi. Ap i čilačende vell boud bibarht.

Gosewe laba 14:26

Kova, kay djivell o baro Debleha, koles hi zoor an o dji. Ninna pral leskre čavende rikrell o baro Devel peskre vasta.

Gosewe laba 9:11

Me, o gosvepen, dau tout i lengsto djipen, krau, te djiveh boud bersha.

Sikepaskro 8:12

Ninna te djivell kova i lengsto djipen, kay krell sheel kope foullo koova, djinau me, te djal kolenge kokres mishto, kay djivenn o Debleha oun moukenn les lengro ray te vell.

Jesaja 26:3

Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

Jesaja 32:17

Oun kote, kay o čačepen khere hi, oun i menshe pal o Debleskre čačepaskre laba djivenn, kote hi kek kourepen oun kek čingepen. Oun kekes hounte vell daar. Yaake ačell kova hako tsireske.

Jesaja 48:18

Kamaus, te shounals tou ap mire laba. Palle vals yaake boud lačepen an tiro djipen, har pani an i lengsto pani hi. Oun pale te pale vals barht ap toute, yaake har o baro pani pale te pale ap o them nashell.

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

3. Mose 25:18

Doleske krenn, hoy t'mendar kamau, oun djivenn pal miro čačepen! Palle nay djivenn t'mer an kava them kek daryah.

3. Mose 25:19

Oun o them anell t'menge yaake boud vin, te hi t'men doha rhapaske. Oun t'mer nay djivenn an kava them, oun t'men hounte vell kek daar.

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Louka 21:19

Ačenn zoreles an o patsepen, oun t'mer lenn ko čačo djipen!”

Louka 21:9

An ko tsiro della boud baro kourepen, oun i menshe hadenn pen pral pengre themeskre rayende. Ma trashenn! Ko hounte vell yaake. Ko tsiro, kay i phoub paash djala, vell gar yaake sik.”

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.