Gosewe laba 1:28 - O Debleskro Lab 2024 (Sinte-Manouche)

²⁸ Palle denn le pal mande gole, oun me moukau či mandar te shounell. Palle rodenn le man oun hatsenn man gar.

O Debleskro Drom 2021 (Sinte)

²⁸ Palle denn le pal mande gole, un me mukau tchi mandar te shunell. Palle rodenn le man un hatsenn man gar.

Gosewe laba 1:28 Iomraidhean Croise

1. Mose 6:3

Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

Hiob 27:9

Te vell i pharo tsiro pral leste, oun yob dell gole ap o Debleste, shounell o Devel palle? Na-a!

Hiob 35:12

Te denn i čilače palle gole, kolla, kay pen yaake bares kran, penell o Devel lenge či pale.

Debleskri gili 18:41

Tou kral, te hounte nashan le mandar. Yaake nay marom kolen, kay mange čilačepen kaman.

Debleskri gili 18:42

Fothe dan le gole, his kek koy, kay nay lals len dran miro vast vin. Ap o baro Debleste dan le gole, oun yob rakras gar pale ap lende.

Debleskri gili 66:18

Yob shounas miri gole, oun das yak ap kova, hoy lestar mangom. Te vals man čilačepen glan an miro dji, shounals man o Devel, miro ray, gar.

Gosewe laba 15:29

O baro Devel hi dour krik kolendar, kay čilačo hi. Yob shounell kova, hoy kolla lestar mangenna, kay an o čačepen tardo hi.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Kamlepaskri gili 5:6

Me krom o voudar miro pirneske pre, koy hi lo bouder gar koy – djas peske doureder. Miro dji kamas tardo te ačell, har djas yob peske. Me rodom les, oun hatsom les gar. Me kharom les, oun shounom kek rakepen lestar.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jeremia 11:11

Doleske penell o baro Devel: Me anau bibarht pral lende, kolatar nay nashenn le gar krik. Yon denn pal mande gole, oun me kamau len gar te shounell.

Jeremia 14:12

Yon nay rikrenn pen pale o rhapastar, oun rovenn ap mande yaake boud har kamenn le, me shounau len gar. Ninna te rhačrenn yon mange firhen oun rhapen, dikau gar lačes ap lende. Me marau len an o kourepen, ninna i bok oun o nasslepen marenn le.

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Hosea 5:6

Palle venn le pengre bakrentsa oun pengre groumyentsa, te anenn le len o baro Debleske, te vell yob lenge lačes. Oun yob sikrell lenge o doumo, te nay hatsenn le les gar.

Amos 8:12

I menshe djan trouyel pash o Moulo Baro Pani, oun kotar doureder pash o Mashkralstouno Baro Pani, oun kotar doureder ap koy rig, kay norden hi, oun palle kote, kay o kham pre djal. Oun yon rodenn yekes, kay nay penell lenge o baro Debleskro lab, oun hatsenn kekes.

Micha 3:4

Doleske shounell o baro Devel gar ap t'mende ap ko dives, kay denn t'mer gole ap leste. Yob sikrell t'mende o doumo ko tselo čilačepaske, hoy kran.

Zakarie 7:13

Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

5. Mose 1:45

Kote van t'mer pale pale, oun rovan glan o baro Debleste; o baro Devel shounas gar ap t'mende, oun das gar yak ap t'mari gole.

Jakobo 4:3

Te mangell yek t'mendar čomone o Deblestar, mangell lo savo koova, hoy gar mishto hi, oun hoy dran leskro čilačo dji vella. Doleske dell les o Devel kova gar.

1. Samuel 8:18

Palle te vell ko dives, kay denn t'mer gole pral t'maro baro rayeste, koles t'menge vin rodan, palle shounell t'men o baro Devel gar an kol divessa.”