Filiparja 3:2 - O Debleskro Lab 2024 (Sinte-Manouche)

² Denn garda, te shounenn gar ap kolende, kay hi čilače boudepangre oun djoukle. Yon kamenna, te moukenn t'men ap t'maro mass te činell, oun penenn: “Kova hounte krenn, te nay venn t'mer o Debleskre menshe!”

O Debleskro Drom 2021 (Sinte)

² Denn garda, te shunenn gar ap kolende, kai hi tchilatche budepangre un djukle. Jon kamenna, te mukenn tumen ap tumaro mass te tchinell, un penenn: “Kowa hunte krenn, te nai wenn tumer o Debleskre menshe!”

Filiparja 3:2 Iomraidhean Croise

Debleskri gili 119:115

Djan pale mandar, t'mer, hoy krenn o čilačepen! Me rikrau ap i laba miro Deblestar.

Debleskri gili 22:16

Miri meen hi trouk. Ninna miro čip hi bouder gar sapeno, oun tou čival man an o merepaskri čik.

Debleskri gili 22:20

Ač gar dour mandar, mo baro Devel! Tou, miri zoor, ab sik ap miri rig!

Gosewe laba 26:11

Har i djouklo, hoy pale rhal, hoy lo vin čadas, yaake hi o narvelo, kay krell pale te pale dinelo koova.

Mateo 24:10

Oun boud denn pengro patsepen ap mande pre, oun phoukrenn ninna ap i vavarende, kay ap mande patsenna, oun yek krell o vavareske čilačepen.

Mateo 7:15

Denn yak, te patsenn gar kol rhorhene rakepangren, kay penenn, te vans le o Deblestar bičedo! Yon krenn, har te vans le t'mare phrala. An lengro dji hi le divye djoukle, kay marenna.

Mateo 7:6

Ma vitsrenn gar o Debleskro bravlepen glan i djouklende, te djan yon gar ap t'mende pre! Ma vitsrenn gar i kouč barra glan i balende, te stakrenn le len gar i pirentsa khetne.

Remarja 2:28

I čačo biboldo hi gar kova, kay hi činlo ap peskro mass.

2. Korintarja 11:13

Čačepah, yon van gar o Yezous Kristestar bičedo. Yon hi rhorhene, oun krenn, har te bičrals len o Yezous Kristo.

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

Galatarja 5:15

Te dandrenn t'mer t'men har midjak djoukle, denn yak, te rhal yek kol vavares gar pre!

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

1. Timoteo 1:19

Rike ap o patsepen ap o Yezous Kristeste! Kre, hoy tiro dji touke penella! Hi menshe, kay shounan gar ap pengro dji, oun kran gar, hoy mishto hi. Oun yon peran o Debleskro dromestar tele.

Tito 1:16

Yon penenn, te prindjrenn le o Debles. An lauter, hoy yon krenna, sikrenn le, kay yon les gar prindjrenna. Yon hi infam an o Debleskre yaka, oun kamenn gar ap leste te shounell. Yaake hi lauter, hoy yon krenna, či moldo.

2. Petro 2:22

Kol menshenge djal yaake, har penlo vell: “Ko djouklo rhal pale kova, hoy yob vin čadas. Oun ko balo vitsrell pes pal o thopen pale an i čik.”

Judas 1:4

Me shounom, hi menshe koy, hoy čorrhanes mank t'mende van. Kolla kamenn o Deblestar či djinell. Yon penenn, te hi o Devel lačo, oun te nay krenn le lauter, hoy yon kamenna. Yaake djivenn le i vi-ladjedo djipen, oun denn maro rayes, o Yezous Kristes, bourhoste. Kova kokres hi maro ray. Glan i rah tsiro hi činlo, te lenn yon pengri phagi.

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.