Filiparja 2:9 - O Debleskro Lab 2024 (Sinte-Manouche)

⁹ Doleske kras o Devel, te vell yob bareder har hako vavar ray.

O Debleskro Drom 2021 (Sinte)

⁹ Doleske kras o Dewel, te well job bareder har hako wawar rai.

Filiparja 2:9 Iomraidhean Croise

Debleskro tsiro 19:16

Ap leskro ripen oun ap leskri pralstouni heri hi i lab činlo, hoy kharella: o ray pral i rayende oun o pralstouno pral i pralstunende.

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Hebrearja 2:9

Kones mer dikah, kova hi o Yezous. Yob his i tikno tsiro tikneder har i bolepangre, oun meras i menshenge. Doleske kras o Devel les baro oun raylo. Yaake lačo his o Devel i menshenge, te bičras lo o Yezouses lauterenge an o merepen.

Jesaja 52:13

Dik, kova, hoy miro boudepaskro krell, djal leske mishto. Yob vell sharedo oun bares kerdo, oun vell dour pral tardo.

Debleskro tsiro 5:12

Oun yon givenn zoreles: O terno bakro, hoy vas maredo, kova hi moldo, te vell les i bari zoor, ninna o bravlepen, oun o gosvepen, oun o sharepen, oun o raylepen, oun i gilya, hoy les hadenna, oun bares krenna.

Daniel 7:14

Oun kova das les i rayeskri zoor oun barepen oun raylepen, te vell lo ray pral i menshende dran hako them oun rakepen. Leskri rayeskri zoor ačell hako tsiro oun herell gar pre. Oun yob ačell baro ray an i tsele tsirya.

Hebrearja 1:4

Yob vas boud bareder oun zorleder har i bolepangre. Oun o Devel das les i lab, hoy hi boud bareder oun rayleder har lengre laba.

Debleskri gili 89:27

Yob penell ap mande: Tou hal miro dad, miro Devel, kova, kay rikrell peskre vasta pral mande oun vell ap miri rig.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Jesaja 53:12

Doleske dau me les i platsa mank i bare oun zorele rayende. Doleske, te das yob peskro djipen an o merepen. Ninna te dikan i menshe ap leste, har te vals lo i čilačo, las yob i doosh kol boudendar ap peste, oun mangas o Debles i čilačenge.

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Johanni 17:5

Oun kanna, tata, de man ko raylepen oun koy zoor, hoy his man pash toute, har o bolepen oun i phoub gar koy his!

Debleskri gili 110:5

O baro Devel hi ap tiri čači rig tardo, oun dell bare rayen khetne ap ko dives, kay leskri rholi vella,

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.

Louka 10:22

Lauter das miro dad an mire vasta. Oun kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell o dades kolende, kay yob vin rodas.”

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Debleskri gili 91:14

O Devel penell: “Yob kamell man o tselo djiyestar. Doleske lau les dran kova lauter vin. Yob prindjrell man. Doleske dau yak ap leste.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

2. Petro 1:17

O Devel, leskro dad, das les peskro baro raylepen oun sharas les, har yob dran o bolepen ap leste penas: “Kava hi miro čavo, koles me o djiyestar kamau. Yob krell man barhtelo.”

Kolossarja 1:18

Yob hi o pralstouno pral i tsele patslende. Har o Devel les i moulendar djido kras, das lo les o nevo djipen glan hako vavareste, koles o Devel neves krella. Yaake kras o Devel, kay hi o Yezous Kristo o pralstouno pral halauter, hoy koy hi.

Bičepangre 5:31

Koles hadas o Devel oun beshas les ap peskri čači rig, te vell lo ray oun lell i menshen dran o čilačepen oun o merepen vin. Kova kras o Devel, te moukenn i menshe an o them Israel pengro phouro djipen, yaake te nay lell lo lengri doosh lendar krik.

Johanni 13:3

O Yezous djinas, kay o Devel, leskro dad, halauter an leskre vasta čivas, oun kay yob o Deblestar vas, oun kay yob pale pash o Debleste djala.

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Johanni 17:11

An i tikno tsiro hom bouder gar ap kay phoub. Me vau pash toute. Yon hi ap kay phoub. Miro dad, tou hal o baro Devel, rike len an tire vasta, te ačenn yon pash toute, te venn yon yek, yaake har mer ham!

Johanni 17:12

Yaake rah har me pash lende homs, dom garda ap lende an tiri zoor, kay tou man dal. Me rikrom len, te djan yon gar krik toutar. Kek lendar djas nashedo. Yek kokres djas nashedo, yaake te vas čačo, hoy lestar činlo vas.

Efesarja 1:10

Te vell o čačo tsiro, anell lo halauter khetne, hoy hi an o bolepen oun ap i phoub. Oun o Yezous Kristo vell o ray pral halauter.

2. Tessalonikarja 1:12

Palle vell maro ray Yezous sharedo dran t'mende. Oun leha khetne venn t'mer ninna sharedo. Yaake lačo hi maro Devel oun maro ray, o Yezous Kristo, t'menge.

Hebrearja 1:9

O čačepen kamal tou, oun o čilačepen dikeh glan i yaka nay gar. Doleske rodas tout tiro Devel vin, te vess tou bareder oun barhtleder har kolla, kay pash toute hi.

3. Johanni 1:7

Yon kran pen ap o drom, te penenn le i menshenge o Yezous Kristestar. Oun yon lenn či kolendar, kay les gar prindjrenna.