Filiparja 1:1 - O Debleskro Lab 2024 (Sinte-Manouche)

¹ Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

O Debleskro Drom 2021 (Sinte)

¹ Mer, o Paulo un o Timoteo, tchinah kau liil. Mer budrah o Jesus Kristeske, un tchinah kau liil ap lauterende, kolen o Dewel win gole das an o foro Filipi, te patsenn le ap o Jesus Kristeste. Kau liil hi ninna i pralstunenge, kai denn garda ap i patslende, ninna kolenge, kai krenn o Debleskri budi mashkral i patslende.

Filiparja 1:1 Iomraidhean Croise

Markus 13:34

Kova hi yaake har pash i morsheste, kay djas ap o them. Yob moukas peskro kheer oun das peskre boudepangren lauter an o vast, hakeneste das lo leskri boudi. Oun penas ap koleste, kay pash o voudar beshdo hi: De garda ap miro kheer! Ma sob!

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Bičepangre 1:20

An o Debleskre gilya hi činlo: Leskro kheer hounte djal paash, oun kek mensho djivella koy dren. Oun leskri boudi hounte krell i vavar.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Bičepangre 9:13

O Anania penas: “Ray, me shounom boud pral ko morsheste, havo čilačo koova yob kol patslenge an o foro Yerusalem kras.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Remarja 1:7

Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

1. Korintarja 16:10

Te vell o Timoteo pash t'mende, palle len les yaake mishto pre, te vell les kek traash. Oun te dikell kek ap leste tele! Yob boudrell ninna o Debleske har me. Te vell lo pale pash mande, djan i kotar drom leha! Me oun i phrala, kay pash mande hi, ačah kate yaake rah, bis te vas lo pash mende pale.

2. Korintarja 1:1

Kava liil činau me, o Paulo. Me hom o Yezous Kristeskro bičepaskro, yaake har o Devel kova kamell. Oun me oun maro phraal, o Timoteo, mer činah kava liil ap i patslende, kay venn khetne an o Debleskro lab an o foro Korint. Kava liil hi ninna i tsele Debleskre čavenge an o them Akaya.

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.

Galatarja 3:26

Dran t'maro patsepen ap o Yezous Kristeste han lauter Debleskre čave.

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

Efesarja 1:1

Kava liil činau me, o Paulo. O Yezous Kristo bičras man, te penap i menshenge leskro lab. Yaake kamell kova o Devel. Me činau kava liil ap kolende, kolen o Devel vin gole das an o foro Efesus, oun kay patsenn ap o Yezous Kristeste.

Efesarja 1:15

Me shounom, har baro hi t'maro patsepen ap maro rayeste, o Yezouseste. Ninna kamenn t'mer i tsele patslen o djiyestar.

Efesarja 6:24

O Debleskro lačepen vell pral lauterende, kay kamenn maro rayes, o Yezous Kristes, o tselo djiyeha! Yob dell len o djipen, hoy gar pre-herella!

Filiparja 2:19

Kamau te bičrap o Timotes sik pash t'mende, oun patsau, te krell maro ray Yezous i drom, te bičrap les. O Timoteo, te vell lo pale pash mande, nay penell lo mange, har t'menge djala, te vap barhtelo pral t'mende.

Filiparja 2:5

Djivenn yaake, har o Yezous Kristo djivas!

Filiparja 3:12

Ninna te hom gomme gar yaake har kamoms te vap, oun hom gomme gar kote, kay kamau te vap, nashau o Yezouseskro drom, te lap o djipen pash o Debleste. Koleske das man o Yezous Kristo gole.

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

Filiparja 3:8

Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

1. Tessalonikarja 1:1

Mer, o Paulo, o Silvano oun o Timoteo, činah kava liil ap t'mende, kol patslende, kay venna khetne an o foro Tessalonika. T'mer patsenn ap o Debleste, maro dadeste, oun ap maro rayeste, o Yezous Kristeste. Lačepen oun barht t'menge!

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

2. Tessalonikarja 1:1

Mer, o Paulo, o Silvano oun o Timoteo, činah kava liil ap t'mende, kol patslende, kay venna khetne an o foro Tessalonika. T'mer patsenn ap o Debleste, maro dadeste, oun ap maro rayeste, o Yezous Kristeste.

2. Tessalonikarja 1:10

ap ko dives, kay vell maro ray Yezous pale, te vell lo sharedo peskre menshendar. Oun i tsele patsle dikenn les, oun hi barhtelo pral leste, ninna t'mer, kay patsan ap o Debleskro lačo lab, hoy mer t'menge penam.

1. Timoteo 1:2

Me činau kava liil ap toute, Timoteo. Tou hal mange har miro čavo an o patsepen. Lačepen, kamlepen oun barht touke! Kova dell tout o Devel, maro dad, oun o Yezous Kristo, maro ray, an o dji!

1. Timoteo 3:8

Yaake har i phoureder mank i patslende hounte djivenn lačes glan i menshengre yaka, yaake hounte djivenn kolla ninna, kay boudrenn i patslenge an o Debleskro kheer. Yon te rakrenn gar douy čipyentsa. Yon te venn kek pipangre. Yon te nashenn gar pal i love.

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

Filemon 1:1

Me, o Paulo, kay stildo hom o Yezous Kristeske, oun maro phraal, o Timoteo, mer činah kava liil ap toute, Filemon! Tou hal maro kamlo phraal oun kreh mentsa khetne o Debleskri boudi.

Hebrearja 13:23

Djinenn, maro phraal Timoteo vas dran o stilepen vin. Te vell lo sik pash mande, vau leha pash t'mende.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.

Debleskro tsiro 1:1

An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro

Debleskro tsiro 1:20

Me kamau te hayvess, hoy kol efta bolepangre momlia hi, hoy tou an miro čačo vast dikal. Te hayvess ninna, hoy kol sonakangre momlia hi! Kol efta bolepangre momlia hi o Debleskre boudepangre, kay denn yak ap i patslende, kay an i efta forya khetne venna. Oun i efta sonakangre momlia hi i patsle, kay venna khetne an i efta forya.”

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”

Debleskro tsiro 2:12

“Čin kava liil ap o Debleskro boudepaskro, kay dell yak ap i patslende an o foro Pergamon: Kava penell kova, koles o rharo hi, hoy ap douy rigya činella.

Debleskro tsiro 2:8

“Čin kava liil ap o Debleskro boudepaskro, kay dell yak ap i patslende an o foro Smirna: Kava penell kova, hoy hi o glanstouno oun o palstouno, hoy moulo his, oun djido vas.

Debleskro tsiro 22:9

Oun yob rakras ap mande oun penas: “Ma kre kova! Me hom o Debleskro boudepaskro har tou oun tire phrala, kay o Debleskre rakepangre hi. Oun me hom ninna yek kolendar, kay rikrenn kal laba an pengre djia, hoy an kava liil činlo hi. Ma share man! Share o Debles!”