Filemon 1:2 - O Debleskro Lab 2024 (Sinte-Manouche)

² Mer činah ninna ap mari phenyate, i Apfia, oun ap o Arkippo, kay boudrella mentsa o Yezous Kristeske, ninna ap i tsele patslende, kay venna khetne an tiro kheer.

O Debleskro Drom 2021 (Sinte)

² Mer tchinah ninna ap mari phenjate, i Apfia, un ap o Archippo, kai budrella mentsa o Jesus Kristeske, ninna ap i tsele patslende, kai wenna khetne an tiro kheer.

Filemon 1:2 Iomraidhean Croise

Remarja 16:1

Te vell mari pheen, i Febe, pash t'mende, mangau t'mendar, len lat lačes pash t'mende pre. Yoy hi o Debleskri boudepaskretsa an o foro Kenkrea. Lenn lat yaake lačes pash t'mende pre, har maro ray Yezous kova i patslendar kamella. Denn lat lauter kova, hoy lat hounte vell djipaske! Yoy his boud patslenge koy, ninna mange.

Remarja 16:5

Penenn ninna lače laba mandar ap kol patslende, kay an lengro kheer khetne venna, oun ap miro lačo maal, o Epayneto. Yob vas o ersto patslo an o them Asia.

1. Korintarja 16:19

I tsele patsle an o them Akaya penenn t'menge lače laba. Ninna kol douy, o Akvila oun i Priska, oun kol vavar patsle, kay khetne venna an lengro kheer, penenn boud lače laba ap t'mende, kay han lengre phrala oun phenya an o patsepen.

Filiparja 2:25

Kanna bičrau maro phrales, o Epafrodito, pash t'mende pale. Koles bičran t'mer pash mande, te anas lo man kova, hoy man hounte vell djipaske. Peskri tseli zoryah kras lo mantsa o Debleskri boudi.

Kolossarja 4:15

Penenn i patslenge an o foro Laodicea mendar: “Ačenn o Debleha!” Penenn kova ninna i Nimfa, oun kol tsele patslenge, kay venn khetne an lakro kheer!

Kolossarja 4:17

Penenn ap o Arkippo: Kre koy boudi, hoy o ray Yezous tout das! Mouk gar tele!