Filemon 1:19 - O Debleskro Lab 2024 (Sinte-Manouche)

¹⁹ Me, o Paulo, činau kova kokres miro vasteha. Me kamau playsrell, hoy yob hounte playsrals touke. Me kamau gar te rakrap pral koy siyaan, hoy tout pash mande hi: Me anom tout ap o Debleskro drom.

O Debleskro Drom 2021 (Sinte)

¹⁹ Me, o Paulo, tchinau kowa kokres miro wasteha. Me kamau plaissrell, hoi job hunte plaissrals tuke. Me kamau gar te rakrap pral koi sijaan, hoi tut pash mande hi: Me anom tut ap o Debleskro drom.

Filemon 1:19 Iomraidhean Croise

1. Mose 43:9

Me dau miro vast koy pre, kay anau les pale. Te anau les touke gar pale, vell i doosh ap mande oun ačell ap mande, yaake rah har djivau!

Remarja 16:22

Me, o Tertio, činom an kava liil kova, hoy o Paulo mange penas, oun me penau t'menge ninna lače laba.

1. Korintarja 4:15

Ninna te vals t'men deesh zerya sikepangre, kay sikrenn t'men, har te djan ap o Yezous Kristeskro drom, hi t'men yek dad kokres an o patsepen. Kova hom me. Me penom t'menge o lačo lab o Yezous Kristestar oun t'mer lan ko lab pre.

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

2. Korintarja 3:2

T'mer han o feteder liil menge, činlo an mare djia. Ap t'mende nay dikenn i tsele menshe, har kram mer mari boudi.

2. Korintarja 9:4

Palle, ap ko dives, kay venn kolla dran o them Macedonia mantsa khetne pash t'mende, hatsenn le lauter yaake har penom. Te hatsans le kova gar yaake, havi ladj vals kova mange oun t'menge ninna!

Galatarja 5:2

Shounenn ap mire laba! Me, o Paulo, penau t'menge: Hakeno, koon moukell pes ap o mass te činell, yaake har i bibolde kova kamenna, koleske meras o Yezous Kristo čičeske.

Galatarja 6:11

Kanna činau bare laba. Koy pre dikenn t'mer, kay me kova činom miro vasteha.

1. Timoteo 1:2

Me činau kava liil ap toute, Timoteo. Tou hal mange har miro čavo an o patsepen. Lačepen, kamlepen oun barht touke! Kova dell tout o Devel, maro dad, oun o Yezous Kristo, maro ray, an o dji!

Tito 1:4

Me činau ap toute, Tito. Tout oun man hi yek patsepen. Doleske hal tou har miro čačo čavo. Mou vell tout lačepen oun barht an o dji! Kova dell tout o Devel, maro dad, oun o Yezous Kristo, kay las men dran o čilačepen vin.

Filemon 1:18

Yob te kras touke čomone čilačes oun te hi les i siyaan pash toute, palle kre yaake, har vals man koy siyaan pash toute.