Filemon 1:10 - O Debleskro Lab 2024 (Sinte-Manouche)

¹⁰ Oun doleske mangau toutar miro čaveske, o Onesimo, te vess tou leske lačes. Kate an o stilepen penom leske o Yezous Kristestar. Oun yob vas patslo, oun vas miro čavo an o patsepen.

O Debleskro Drom 2021 (Sinte)

¹⁰ Un doleske mangau tutar miro tchaweske, o Onesimo, te wess tu leske latches. Kate an o stilepen penom leske o Jesus Kristestar. Un job was patslo, un was miro tchawo an o patsepen.

Filemon 1:10 Iomraidhean Croise

2. Samuel 18:5

Oun o baro ray penas ap o Yoab, ap o Abishay, oun ap o Itay: “Avenn kamlo miro čaveha o Absalom.” Oun kol tsele lourde shounan, har o baro ray kova ap kol pralstoune lourdende penas.

Markus 9:17

Koy penas yek kolendar, kay kote tardo hi, ap leste: “Ray, me anom miro čaves kate pash toute. Koles hi i beng an leste. Kova krella, kay rakrell lo nashte gar.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

1. Korintarja 4:14

Me činau t'menge kova gar, te krap t'menge ladj. Na-a! T'mer han mire kamle čave. Doleske penau t'menge kova, te ačenn ap o čačo drom.

1. Korintarja 4:15

Ninna te vals t'men deesh zerya sikepangre, kay sikrenn t'men, har te djan ap o Yezous Kristeskro drom, hi t'men yek dad kokres an o patsepen. Kova hom me. Me penom t'menge o lačo lab o Yezous Kristestar oun t'mer lan ko lab pre.

Galatarja 4:19

Mire phrala! Me kamau t'men o djiyestar, har te vans mire čave. Yaake har i djouvyat douka hi, te lell li i ternepen, yaake hi man pale douka t'menge, bis te vell o Yezous Kristo diklo an t'mende.

Kolossarja 4:9

Leha khetne bičrau miro lačo phrales, o Onesimo, kay rikrell zoreles ap o patsepen. Kova hi yek t'mendar. Kol douy penenn t'menge lauter, hoy kate djala.

1. Timoteo 1:2

Me činau kava liil ap toute, Timoteo. Tou hal mange har miro čavo an o patsepen. Lačepen, kamlepen oun barht touke! Kova dell tout o Devel, maro dad, oun o Yezous Kristo, maro ray, an o dji!

Tito 1:4

Me činau ap toute, Tito. Tout oun man hi yek patsepen. Doleske hal tou har miro čačo čavo. Mou vell tout lačepen oun barht an o dji! Kova dell tout o Devel, maro dad, oun o Yezous Kristo, kay las men dran o čilačepen vin.

Filemon 1:11

Ap ko tsiro, har yob pash toute boudras, his lo touke či moldo. Kanna hi lo mange har touke boud moldo.

Filemon 1:13

Me kamoms te ačals lo pash mande oun vals mange koy, yaake har tou mange koy vals, te vals tou pash mande kate an o stilepen. Kate hom doleske, kay penom i menshenge o lačo lab o Yezous Kristestar.

3. Johanni 1:4

Pral kek vavar koova hom yaake barhtelo, har te shounap, kay mire čave ap o čačo drom djana.