Ester 9:28 - O Debleskro Lab 2024 (Sinte-Manouche)

²⁸ Ap hako tsiro hounte rikrenn i bibolde kal divessa Pourim an hako them oun hako foro, te bistrenn lengre čavengre čave gar, hoy an kol divessa djas.

O Debleskro Drom 2021 (Sinte)

²⁸ Ap hako tsiro hunte rikrenn i bibolde kal diwessa ‘Purim’ an hako them un hako foro, te bistrenn lengre tchawengre tchawe gar, hoi an kol diwessa djas.

Ester 9:28 Iomraidhean Croise

Ester 9:27

lan pen i bibolde glan, te rikrenn le kol douy divessa bares, oun moukenn gar tele, te rikrenn le len hako bersh yaake har glan činlo vas. Oun yaake vas kova pash lende kerdo. Oun kova his ninna moldo lengre čavenge, kay pal lende venna, oun kolenge, kay kek bibolde hi oun pash lende rikrenna.

Ester 9:29

Oun i rani Ester, kolakro dad o Abihayil his, činas i douyto liil, khetne lakro kakeha, o biboldeha Mordekay. An kava liil činas li, te hounte vell lauter yaake kerdo har an ko liil, hoy o Mordekay činas pral kol divessa Pourim.

Debleskri gili 103:2

Miro tselo djiyestar sharau o baro Debles, oun bistrau gar o lačepen, hoy yob mange kras.

Debleskri gili 145:4

Ninna mare čavengre čave sharenn, hoy tou kral, oun rakrenn pral tiro zorelo koova.

2. Mose 12:17

Rikrenn t'men ap kal laba: An kol efta divessa rhan t'mer maro, kay kek shoutlo yarro dren hi. Ap kava dives lom me t'men lauteren dran o them Egiptia vin. Doleske rikrenn t'men ap kava, oun krenn kova hako bersh, t'mer oun t'mare čave, kay venna pal t'mende hako tsiro.

Zakarie 6:14

Oun o baro rayeskri stadi ačell an o baro Debleskro kheer, te venn kol morsha Helday, Tobiya, Yedaya oun Yosia gar bistedo.”

Josua 4:7

Palle penenn t'mer lenge: O pani dran o Yordan ačas tardo glan o morhton, kay o baro Debleskre deesh laba dren his, har vas o morhton mank o pani ap i vavar rig hidjedo. Oun kal barra hi kate, te bistrenn i Israelitarya kova kek tsireske.”