Ester 9:22 - O Debleskro Lab 2024 (Sinte-Manouche)

²² te bistrenn le gar, kay an kol divessa i bibolde vin lino van dran i čilače vasta, oun kay kava o čon hi, kay vas barht dran lengre douka, oun sapen dran lengro ropen. Doleske hounte rikrenn le kol divessa bares, oun venn khetne, rhan oun piyenn oun hi barhtelo. Oun yek te dell o vavareste lačo rhapen. Oun ninna i čorvele hounte venn gar bistedo oun hounte lenn čomone.

O Debleskro Drom 2021 (Sinte)

²² te bistrenn le gar, kai an kol diwessa i bibolde win lino wan dran i tchilatche wasta, un kai kawa o tchon hi, kai was bacht dran lengre duka, un sapen dran lengro ropen. Doleske hunte rikrenn le kol diwessa bares, un wenn khetne, chan un pijenn un hi bachtelo. Un jek te dell o wawareste latcho chapen. Un ninna i tchorwele hunte wenn gar bistedo un hunte lenn tchomone.

Ester 9:22 Iomraidhean Croise

Ester 9:19

Doleske hi o 14. (deesh-te-starto) dives an o čon Adar i baro dives kol biboldenge, kay djivenn vin ap o them oun an i gaba. Oun yon rhan oun piyenn oun denn yek o vavareste lačo rhapen.

Ester 9:21

An kol lila his činlo, te vell o 14. oun o 15. dives an o čon Adar i baro dives. Koles hounte rikrenn le hako bersh,

Ester 9:23

Oun i bibolde kran yaake har o Mordekay lenge an o liil činas. An hako bersh rikran le kal bare divessa yaake har kran le o ersto kopo.

Debleskri gili 103:2

Miro tselo djiyestar sharau o baro Debles, oun bistrau gar o lačepen, hoy yob mange kras.

Debleskri gili 149:7

yaake te denn le i menshen an vavar themma pale, hoy kolla ap lende kran, oun anenn i phagi pral i natsyone.

Debleskri gili 30:11

Shoun, baro Devel, oun ab mange lačo! Ab ap miri rig, miro baro Devel!”

Debleskri gili 30:12

Dran miro ropaskri gili kral tou mange i barhtyakro khelepen. Tou pandal mange ko gono tele, hoy miro ropaskro ripen his, oun čival barht har i ripen ap mande.

Debleskri gili 37:15

Yon denn pen pengro rhareha kokres an pengro dji čourye, oun lengre boge venna phagedo.

Jesaja 14:3

Oun an ko tsiro lell o baro Devel i Israelitaryen vin dran lengre douka oun lengro ropen oun lengri phari boudi, hoy yon hounte kran.

Zakarie 8:19

Kova penell o baro Devel, ko ray pral o bolepen oun i phoub: “Kol divessa an o starto, pančto, eftato oun deshto čon, kay i menshe či rhan, te rodenn le man, kal divessa venn i barhtelo tsiro o khereske Youda. An kal divessa givenn oun khelenn le i barhtyatar. T'menge penau, rodenn o čačepen! Oun denn yak, te vell kek čingepen mank t'mende!”

Mateo 5:4

Barhtele hi kolla, kay kanna rovenna. O Devel lell lengri douk dran lengro dji.

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

Galatarja 2:10

Hi yek koova, hoy yon mendar mangan, te bistras mer gar i čorvelen mank lende. Ap kova rikrom man i tselo djiyeha.

5. Mose 15:7

Te hi i čorvelo pash toute, kote an ko foro, kay djiveh an ko them, hoy t'maro baro Devel t'men das, palle ma kre tiro dji pandles, kre tire vasta pre glan leste!

5. Mose 16:14

rhan oun avenn barhtelo, t'mer oun t'mare čave oun ča, t'mare boudepangre oun i Levitarya oun vi-themarya, kay pash t'mende djivenn, ninna i čave, kolen kek dad bouder hi, oun kol djouvya, kolengro rom meras.

5. Mose 16:15

Efta divessa rhan oun avenn barhteles glan t'maro baro Debleste ap koy platsa, hoy yob peske vin rodell. Yob čivas peskri barht ap halauter, hoy ap t'mari phoub bares vas oun ap t'mari tseli boudi. Doleske avenn barhtelo!

Debleskro tsiro 11:10

I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.

1. Samuel 25:8

Pouč tire boudepangre, kolla penenn les touke! Yaake ab lačes ap kal morshende! Kava dives hi i baro dives touke! De men, tire boudepangren oun tiro males David, hoy tout pash o vast hi!”