Ester 9:21 - O Debleskro Lab 2024 (Sinte-Manouche)

²¹ An kol lila his činlo, te vell o 14. oun o 15. dives an o čon Adar i baro dives. Koles hounte rikrenn le hako bersh,

O Debleskro Drom 2021 (Sinte)

²¹ An kol lila his tchinlo, te well o 14. un o 15. diwes an o tchon Adar i baro diwes. Koles hunte rikrenn le hako bersh,

Ester 9:21 Iomraidhean Croise

Esra 6:15

Oun koy tseli boudi vas kerdo ap o triinto dives an o čon Adar. Kova his, har o Darius an o shobto bersh o baro ray his.

Ester 3:7

Oun an o ersto čon, kova hi o čon Nisan, an o deesh-te-douyto bersh ko baro rayestar Ahasveros, moukas o Haman peske tikne barra te vitsrell, hoy kharenna Pourim, te hatsell lo vin, havo dives an havo čon ko feteder hi, te krell lo, hoy lo peske glan las. Oun kol tikne barra Pourim peran ap o deesh-te-triinto dives oun ap o deesh-te-douyto čon. Kova hi o čon Adar.

Ester 9:17

Oun kova his ap o 13. (deesh-te-triinto) dives an o čon Adar. Oun ap o 14. (deesh-te-starto) dives kran yon či. Oun kran lestar i dives, kay venn le khetne, rhan oun piyenn oun hi barhtelo.

Ester 9:18

Kol bibolde, kay an o foro Susa djivan, kolla djan an o marepen ap o 13. (deesh-te-triinto) oun ap o 14. (deesh-te-starto) dives an ko čon. Oun ap o 15. (deesh-te-pančto) dives kran le či. Oun kran lestar i dives, kay krenn le či oun venn khetne, rhan oun piyenn oun hi barhtelo.

Ester 9:20

Oun o Mordekay činas kava lauter an i liil, oun bičras lila ap i tsele biboldende, kay dour hi oun kay gar dour hi, an hako them o baro rayestar Ahasveros.

Ester 9:22

te bistrenn le gar, kay an kol divessa i bibolde vin lino van dran i čilače vasta, oun kay kava o čon hi, kay vas barht dran lengre douka, oun sapen dran lengro ropen. Doleske hounte rikrenn le kol divessa bares, oun venn khetne, rhan oun piyenn oun hi barhtelo. Oun yek te dell o vavareste lačo rhapen. Oun ninna i čorvele hounte venn gar bistedo oun hounte lenn čomone.

Ester 9:27

lan pen i bibolde glan, te rikrenn le kol douy divessa bares, oun moukenn gar tele, te rikrenn le len hako bersh yaake har glan činlo vas. Oun yaake vas kova pash lende kerdo. Oun kova his ninna moldo lengre čavenge, kay pal lende venna, oun kolenge, kay kek bibolde hi oun pash lende rikrenna.

Ester 9:29

Oun i rani Ester, kolakro dad o Abihayil his, činas i douyto liil, khetne lakro kakeha, o biboldeha Mordekay. An kava liil činas li, te hounte vell lauter yaake kerdo har an ko liil, hoy o Mordekay činas pral kol divessa Pourim.