Ester 9:1 - O Debleskro Lab 2024 (Sinte-Manouche)

¹ Oun palle vas o 13. (deesh-te-triinto) dives an o 12. (deesh-te-douyto) čon. Kova hi o čon Adar. Ap ko dives hounte vals kerdo pal o baro rayeskro činlo lab. Oun i menshe, kay i bibolden gar kaman, patsan, te nay marans le i bibolden ap ko dives. Kanna vas kova vavarčandes: I bibolde van zorleder har i vavar menshe,

O Debleskro Drom 2021 (Sinte)

¹ Un palle was o 13. (deesh-te-triinto) diwes an o 12. (deesh-te-duito) tchon. Kowa hi o tchon Adar. Ap ko diwes hunte wals kerdo pal o baro rajeskro tchinlo lab. Un i menshe, kai i bibolden gar kaman, patsan, te nai marans le i bibolden ap ko diwes. Kanna was kowa wawartchandes: I bibolde wan sorleder har i wawar menshe,

Ester 9:1 Iomraidhean Croise

2. Samuel 22:41

Tou kral, te hounte nashan le mandar. Yaake nay marom kolen, kay mange čilačepen kaman.

Ester 3:13

Koy dren his činlo: I tsele bibolde hounte venn maredo, terne oun phoure, ninna i čave oun djouvya, te ačell kek lendar bouder djido. Oun kova te vell ap yek dives, ap o deesh-te-triinto dives an o deesh-te-douyto čon. Kova hi o čon Adar. Oun i biboldengro koova nay lell hakeno peske. Oun naashepangre van kharedo, oun lenge vas penlo, te anenn le kol lila an i tsele themma, kay o Ahasveros baro ray hi.

Ester 3:7

Oun an o ersto čon, kova hi o čon Nisan, an o deesh-te-douyto bersh ko baro rayestar Ahasveros, moukas o Haman peske tikne barra te vitsrell, hoy kharenna Pourim, te hatsell lo vin, havo dives an havo čon ko feteder hi, te krell lo, hoy lo peske glan las. Oun kol tikne barra Pourim peran ap o deesh-te-triinto dives oun ap o deesh-te-douyto čon. Kova hi o čon Adar.

Ester 8:12

Oun kova nay krenn le an i tsele themma, kay o Ahasveros baro ray hi, ap o deesh-te-triinto dives an o deesh-te-douyto čon, – kova hi o čon Adar.

Ester 8:6

Har nay dikap me savi bari bibarht, hoy mire menshenge vell? Oun har nay vap me kote pashel tardo, te denn le mire tsele menshen moulo, oun krau či?”

Ester 9:17

Oun kova his ap o 13. (deesh-te-triinto) dives an o čon Adar. Oun ap o 14. (deesh-te-starto) dives kran yon či. Oun kran lestar i dives, kay venn le khetne, rhan oun piyenn oun hi barhtelo.

Debleskri gili 18:40

Tou dal man i zoor, te nay kourom man lentsa oun vitsral kolen ap i phoub glan mande, kay hadan pen ap mande.

Debleskri gili 30:11

Shoun, baro Devel, oun ab mange lačo! Ab ap miri rig, miro baro Devel!”

Bičepangre 12:11

Kanna djinas o Petro, kay kova kek souni his, oun yob penas: “Kanna djinau čačepah, kay bičras o ray Yezous peskro bolepaskres mange. Oun kova las man dran o Herodeskre vasta vin, ninna dran halauter, hoy kaman i bibolde mantsa te krell.”

5. Mose 32:36

Čačepah o baro Devel dell peskre menshende lengro čačepen. Te dikell lo, har leskre boudepangre nashran pengri zoor, khaytenn le les. Te dikell lo, har kek ap lengri rig hi, krell yob peskro dji lenge pre.

Debleskro tsiro 11:18

I tsele natsyone rhoyran pen pral toute. Doleske vas tiri rholi pral lende. Kanna hi o tsiro kay, te vell o čačepen vi-rakedo pral i moulende. Kanna vas ko tsiro, te dess tiro bravlepen kolende, kay touke boudran, kay an tiro lab rakran, lauterende, kay tire menshe hi, oun tout sharenna, oun toutar darenna, i tikne har i bare. I tsiro hi ninna kay, te maress kolen, kay i menshen ap i phoub maran.