Ester 8:9 - O Debleskro Lab 2024 (Sinte-Manouche)

⁹ Yaake van kol morshen kharedo, kay o baro rayeskre lila činenn. Kova his an o triinto čon, – kova hi o čon Sivan – ap o biish-te-triinto dives. Oun i lila van yaake činlo, har o Mordekay penas: ap i biboldende, oun ap i pralstunende ko themestar, ap i themeskre rayende oun i pralstunende pral i tsele themma mank o pani Indus oun o pani Nil. Kolla his 127 (yek-sheel-te-biish-te-efta) themma. Oun činlo vas yaake har an hako them činlo vas, oun an o rakepen kol menshendar, kay kote djivan, oun ninna ap i bibolde yaake har yon činenn oun rakrenn.

O Debleskro Drom 2021 (Sinte)

⁹ Jaake wan kol murshen kharedo, kai o baro rajeskre lila tchinenn. Kowa his an o triinto tchon, – kowa hi o tchon Siwan – ap o biish-te-triinto diwes. Un i lila wan jaake tchinlo, har o Mordekai penas: ap i biboldende, un ap i pralstunende ko themestar, ap i themeskre rajende un i pralstunende pral i tsele themma mank o pani Indus un o pani Nil. Kolla his 127 (jek-sheel-te-biish-te-efta) themma. Un tchinlo was jaake har an hako them tchinlo was, un an o rakepen kol menshendar, kai kote djiwan, un ninna ap i bibolde jaake har jon tchinenn un rakrenn.

Ester 8:9 Iomraidhean Croise

2. Rajengro liil 18:26

Kote penas o Elyakim, koleskro dad o Hilkiya hi, oun o Shebna oun o Yoa ap ko pralstuneste, kay pash lende bičedo vas: “Mo ray, rake mentsa aramtikes! Mer nay hayvah ko rakepen. Oun ma rake mentsa hebretikes, te shounenn kova i menshe gar, kay kate ap i massouri tarde hi.”

2. Familjakro liil 15:10

Oun yon van khetne an o foro Yerusalem an o triinto čon an o 15. (deesh-te-pančto) bersh, har o Asa o baro ray his.

Ester 1:1

His an ko tsiro, har o Ahasveros o baro ray his pral 127 (yek-sheel-te-biish-te-efta) themma, hoy djan o themestar India bis pash o them Etiopia.

Ester 1:22

Oun bičras lila an i tsele themma, kay lo baro ray his. Hako liil his yaake činlo, har an ko them činlo vell, oun an ko rakepen, har kote rakedo vell, kay ko liil bičedo vas. Oun an ko liil vas penlo, te vell hako romes an peskro kheer o penepaske, oun te vell an hako kheer ko rakepen rakedo, hoy o rom rakrella.

Ester 10:1

Oun o ray Ahasveros čivas ap o them oun ap i panyengre themma i siyaan, hoy i menshe hounte playsrenna.

Daniel 4:1

Me, o Neboukadnezar homs barhtelo an miro kheer, oun man his lauter, hoy kamom.

Daniel 6:1

Oun o Darius, ko Medari, vas o nevo baro ray. Oun yob his 62 (shob-deesh-te-douy) bersha, har vas lo baro ray.

Daniel 6:25

Oun o baro ray moukas kol morshen glan peste te anell, kay kova ap o Daniel pre anan. Oun yob moukas len an i grouba te vitsrell pash i leve, len oun lengre čaven oun romyen ninna. Oun har yon gomme gar ap i phoub tele van, tapran i leve len, oun phagan lengre kokale.