Ester 8:7 - O Debleskro Lab 2024 (Sinte-Manouche)

⁷ Kote penas o baro ray Ahasveros ap i rani Ester oun ap o Mordekay, ko biboldo: “Djinenn, o Hamaneskro kheer dom i Esterate, te vell lo lakro. Oun les moukom ap ko kasht pre te bladell doleske, kay kamas lo i bibolden te marell.

O Debleskro Drom 2021 (Sinte)

⁷ Kote penas o baro rai Ahasveros ap i rani Ester un ap o Mordekai, ko biboldo: “Djinenn, o Hamaneskro kheer dom i Esterate, te well lo lakro. Un les mukom ap ko kasht pre te bladell doleske, kai kamas lo i bibolden te marell.

Ester 8:7 Iomraidhean Croise

Esra 4:6

Oun har o Ahasveros baro ray vas, an leskro ersto bersh, činan le i foullo liil pral i menshende dran o them Youda oun Yerusalem.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Ester 7:9

Oun yek o pralstunendar, o Harbona, penas: “Ake, kote pash o Hamaneskro kheer hi o kasht tardo, hoy hi i paash-sheel moussya baro, koles o Haman moukas pre te čivell o Mordekayeske. Kava hi ko morsh, kay o baro rayeske penas, kay morshen glan his, te marenn le les.” Kote penas o baro ray: “Bladenn les koy pre!”

Ester 8:1

Ap ko dives das o baro ray, o Ahasveros, i ranyate Ester ko kheer, hoy his o Hamanes, kay i bibolden kamas te marell. Oun i Ester penas o baro rayeske, kay o Mordekay lakro kako hi. Oun o baro ray moukas les glan peste te vell.

Gosewe laba 13:22

Kova, hoy i lačo morsh pale moukell, vell doureder dino leskre čavende oun čavengre čavende. O bravlepen kolestar, kay an o čilačepen djivas, lell kova, kay an o čačepen tardo hi.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.