Ester 8:17 - O Debleskro Lab 2024 (Sinte-Manouche)

¹⁷ Oun an hako them oun an hako foro, kay o baro rayeskro lab vas, his barht oun sapen pash i biboldende. Oun yon kran baro rhapen oun van barhteles khetne. Oun boud menshe i vavar menshendar lan daar i biboldendar oun van bibolde.

O Debleskro Drom 2021 (Sinte)

¹⁷ Un an hako them un an hako foro, kai o baro rajeskro lab was, his bacht un sapen pash i biboldende. Un jon kran baro chapen un wan bachteles khetne. Un bud menshe i wawar menshendar lan daar i biboldendar un wan bibolde.

Ester 8:17 Iomraidhean Croise

1. Mose 35:5

Oun yon kran pen ap o drom. Oun o Devel čivas i daar ap kol menshende, kay djivan an i forya troul lende. Oun kolla lan len gar palla.

Nehemia 8:10

Oun yob penas pale ap lende: “Djan koy oun rhan thoullo rhapen oun piyenn goudlo pipen! Oun bičrenn kolestar ninna kolenge, kay kran pen kek rhapen! Kava dives hi i baro dives o Debleske, maro rayeske. Moukenn t'menge o dji gar phares te vell! Na-a, moukenn t'mare djia givenn o baro Debleske! Palle han zorelo.”

Ester 9:17

Oun kova his ap o 13. (deesh-te-triinto) dives an o čon Adar. Oun ap o 14. (deesh-te-starto) dives kran yon či. Oun kran lestar i dives, kay venn le khetne, rhan oun piyenn oun hi barhtelo.

Ester 9:19

Doleske hi o 14. (deesh-te-starto) dives an o čon Adar i baro dives kol biboldenge, kay djivenn vin ap o them oun an i gaba. Oun yon rhan oun piyenn oun denn yek o vavareste lačo rhapen.

Ester 9:2

oun van khetne an pengre forya an i tsele themma, kay o Ahasveros baro ray hi, te djan le ap kolende pre, kay lengri bibarht kaman. Oun kek nay ačas tardo glan lende. Oun i bari daar glan lende peras ap i menshende an i tsele themma.

Ester 9:22

te bistrenn le gar, kay an kol divessa i bibolde vin lino van dran i čilače vasta, oun kay kava o čon hi, kay vas barht dran lengre douka, oun sapen dran lengro ropen. Doleske hounte rikrenn le kol divessa bares, oun venn khetne, rhan oun piyenn oun hi barhtelo. Oun yek te dell o vavareste lačo rhapen. Oun ninna i čorvele hounte venn gar bistedo oun hounte lenn čomone.

Ester 9:27

lan pen i bibolde glan, te rikrenn le kol douy divessa bares, oun moukenn gar tele, te rikrenn le len hako bersh yaake har glan činlo vas. Oun yaake vas kova pash lende kerdo. Oun kova his ninna moldo lengre čavenge, kay pal lende venna, oun kolenge, kay kek bibolde hi oun pash lende rikrenna.

Ester 9:3

I daryatar glan o Mordekay čivan pen i pralstoune an kol themma ap i rig i biboldendar, ninna i raya, i themeskre raya oun i rakepangre o baro rayestar.

Debleskri gili 105:38

I Egiptarya daran lendar, oun his barhtele, har djan yon penge.

Debleskri gili 18:43

Oun me dom len khetne, dom len tiknes har čik, hoy i baro dourho krik phourdell. Har čik čorom len vin ap o drom.

2. Mose 15:16

I trashatar his le har bango. Tiri zoryatar van le har barra, har tou moukal tire menshen glan lende vin te djal, tire menshen, kay tou touke vin rodal, baro Devel.

5. Mose 11:25

Kek nay ačell glan t'mende tardo, Traash oun daar moukell t'maro baro Devel ap i menshende an o tselo them te vell glan t'mende, yaake har yob les t'menge penas.

5. Mose 2:25

Kava divesseha krau te darenn t'mendar i menshe an hake themma. Koon t'mendar shounella, trashell oun trissell i daryatar.”

Josua 2:11

Oun har kova shounam, vas bari traash ap mende, oun an kekeste mendar ačas i zoor, te djal lo pre ap t'mende. O baro Devel hi t'maro Devel, oun hi o Devel pral an o bolepen oun kate tele ap i phoub.

Josua 2:9

oun penas ap lende: “Me hayvom, te das o baro Devel t'men kava them. I bari traash glan t'mende peras ap mende. Oun hakeno, kay kate djivell, hi har bango daryatar glan t'mende.

1. Samuel 25:8

Pouč tire boudepangre, kolla penenn les touke! Yaake ab lačes ap kal morshende! Kava dives hi i baro dives touke! De men, tire boudepangren oun tiro males David, hoy tout pash o vast hi!”