Ester 8:15 - O Debleskro Lab 2024 (Sinte-Manouche)

¹⁵ Oun o Mordekay djas vin o baro rayestar, rido an rayeskre koola. Kolla his blaueto oun parno. Oun ap leskro shero his shereskro sonakay. Leskri baya his dran layntikro than oun lolo bakrengro bal. Oun i menshe an o foro Susa stan oun dan gole i barhtyatar.

O Debleskro Drom 2021 (Sinte)

¹⁵ Un o Mordekai djas win o baro rajestar, rido an rajeskre koola. Kolla his blaueto un parno. Un ap leskro shero his shereskro sonakai. Leskri baja his dran laintikro than un lolo bakrengro bal. Un i menshe an o foro Susa stan un dan gole i bachtjatar.

Ester 8:15 Iomraidhean Croise

1. Mose 41:42

Oun o baro ray las peskri goustri peskro vastestar oun čivas les ap o Yosefeskro vast. Oun das les ripya dran shoukar layntikro than. Ninna čivas lo i sonakaskri verkli troul leskri meen.

Ester 1:6

Kote his parne oun blauete plarhte pandlo ap roupene goustria mank turme dran marmor. Troul kol plarhte his layntikre oun lole dorya. Beshepangre i heryentsa dran sonakay oun roup his kote tardo ap i kouč barrengri phoub, hoy zenelo, parno, djelto oun kalo his.

Ester 10:2

Ko tselo baro raylo koova, hoy lo kras oun leskri zoor pral kol boud themma, kova hi činlo an i familyakro liil kol bare rayendar pral o them Media oun Persia. Kote hi ninna činlo, har o baro ray o Mordekayes hadas oun bares kras,

Ester 3:15

Oun kol naashepangre djan sik vin, yaake har o baro ray penas. Oun an o zorelo kheer an o foro Susa vas ko liil kote ap i kasht dino, kay nay dikell les hakeno. Oun o baro ray oun o Haman beshan pen tele, te rhan oun piyenn le. O tselo fores Susa tapras i daar.

Ester 5:1

Oun ap o triinto dives rivas i Ester rayengre ripya an oun djas ap koy platsa, hoy hi dren an o baro rayeskro kheer, vergel koy bari isema, kay o baro ray hi. Oun yob his beshdo ap peskri rayli beshepaskri vergel o voudar.

Ester 5:11

Glan lende phourdas pes o Haman pre oun penas lenge, har baro leskro bravlepen hi, oun kitse morsh čave les hi, oun har hadas les o baro ray oun čivas les pral i tsele pralstunende oun pral i tsele rayeskre boudepangre.

Ester 6:11

Kote las o Haman kol koola oun ko gray oun djas pash o Mordekay oun rivas leske kol koola an, oun anas les pral ko foreskri platsa, oun kharas glan leste vin: Yaake krell o baro ray ko morsheha, koles yob kamell o djiyestar te hadell.

Ester 6:8

mou venn rayeskre koola anlo, ninna i rayeskro gray. Oun ap leskro shero vell i rayeskri stadi čiddo.

Ester 8:14

Oun kol bičepangre i lilentsa klissan sik vin ap o rayeskre graya, yaake har o baro ray penas. Oun ko činlo lab vas ninna an o baro rayeskro kheer an o foro Susa ap i kasht dino, te vell lo prindjedo.

Gosewe laba 11:10

Te djal i lačenge mishto, palle hi i menshe an o tselo foro barhtelo. I čilače, te merenn le, denn le an o foro gole i barhtyatar.

Gosewe laba 28:12

Te hi kolen penepaske, kay an o čačepen tardo hi, palle hi barhtelo tsiro. Te vell i čilačen penepaske, palle khatrenn pen i menshe.

Gosewe laba 29:2

Te hi boud menshe koy, kay an o čačepen tardo hi, palle hi i tsele menshe barhtelo. Te hi i čilačo o ray pral lende, palle hi i tsele menshenge ropaske.

Mateo 11:8

Koon kaman t'mer te dikell? Kaman t'mer i morshes te dikell, kay an kouč koola rido hi? Na-a, savo morsh hi lo vitar gar! Kolla, kay rivenna kouč koola, djivenn an i rayengre khera.

Mateo 6:29

O baro ray Salomo an peskro tselo raylepen his gar yaake shoukar an-rido har yek lendar.

Louka 16:19

Oun o Yezous penas pale: Koy his i bravelo morsh. Kova his hako tsiro shoukar oun rayles rido, oun djivas i shoukar djipen.