Ester 8:14 - O Debleskro Lab 2024 (Sinte-Manouche)

¹⁴ Oun kol bičepangre i lilentsa klissan sik vin ap o rayeskre graya, yaake har o baro ray penas. Oun ko činlo lab vas ninna an o baro rayeskro kheer an o foro Susa ap i kasht dino, te vell lo prindjedo.

O Debleskro Drom 2021 (Sinte)

¹⁴ Un kol bitchepangre i lilentsa klissan sik win ap o rajeskre graja, jaake har o baro rai penas. Un ko tchinlo lab was ninna an o baro rajeskro kheer an o foro Susa ap i kasht dino, te well lo prindjedo.

Ester 8:14 Iomraidhean Croise

2. Familjakro liil 30:6

Oun o baro ray oun i pralstoune dan i bičepangren i lila an o vast. Oun kolla nashan an o tselo them Israel oun Youda, oun dan vin gole yaake har o baro ray lenge penas: “T'mer Israelitarya, kay pral ačan oun vin lino van dran i vasta kol bare rayendar pral o them Assour, avenn pale pash o baro Debleste, ko Devel t'mare phourendar, o Abraham, o Isaak oun o Israel! Palle vell yob pale pash t'mende.

Nehemia 1:1

Kava hi, hoy pral o Nehemia činlo hi, koleskro dad o Hakalya hi. Har his o Artaxerxes an o biishto bersh o baro ray, homs an o čon Kislev an baro rayeskro kheer an o foro Susa.

Ester 1:2

Leskri rayeskri beshepaskri his tardo an peskro zorelo kheer an o foro Susa.

Ester 2:3

Oun biče morshen an i tsele themma, kay baro ray hal, te anenn le i tsele shoukar terne čen kate an tiro zorelo kheer an o foro Susa, oun kote an o djouvyengro kheer. Oun de len an o vast ko pralstunestar, o Hegay, kay dell yak ap i djouvyende. Oun yob moukell lauter ap lende te krell, hoy i djouvyat shoukar krell.

Ester 3:13

Koy dren his činlo: I tsele bibolde hounte venn maredo, terne oun phoure, ninna i čave oun djouvya, te ačell kek lendar bouder djido. Oun kova te vell ap yek dives, ap o deesh-te-triinto dives an o deesh-te-douyto čon. Kova hi o čon Adar. Oun i biboldengro koova nay lell hakeno peske. Oun naashepangre van kharedo, oun lenge vas penlo, te anenn le kol lila an i tsele themma, kay o Ahasveros baro ray hi.

Ester 3:14

Oun o baro ray penas ninna, te hounte venn kal činle laba prindjedo kerdo an hako them, yaake te rikrenn pen i menshe kote ap lende, oun djinenn, hoy te krenn le, te vell ko dives.

Ester 3:15

Oun kol naashepangre djan sik vin, yaake har o baro ray penas. Oun an o zorelo kheer an o foro Susa vas ko liil kote ap i kasht dino, kay nay dikell les hakeno. Oun o baro ray oun o Haman beshan pen tele, te rhan oun piyenn le. O tselo fores Susa tapras i daar.

Ester 8:13

Oun an kol tsele themma hounte van kal činle laba prindjedo kerdo, yaake te djinan i menshe kote, te krenn pen i bibolde zoreles ko diveske, te djan le ap kolende, kay kamenn len te marell.

Ester 8:15

Oun o Mordekay djas vin o baro rayestar, rido an rayeskre koola. Kolla his blaueto oun parno. Oun ap leskro shero his shereskro sonakay. Leskri baya his dran layntikro than oun lolo bakrengro bal. Oun i menshe an o foro Susa stan oun dan gole i barhtyatar.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Daniel 8:2

An miri souni homs an o zorelo kheer an o foro Susa an o them Elam, pash o lengsto pani Oulay.

1. Samuel 21:8

Ap ko dives his ninna i pralstouno boudepaskro o Saulestar an o baro Debleskro kheer. Kova his i Edomari, oun leskro lab his Doeg. Yob his o pralstouno pral kolende, kay yak dan ap o Sauleskre bakre.