Ester 8:11 - O Debleskro Lab 2024 (Sinte-Manouche)

¹¹ Oun an kol lila his činlo: O baro rayeske hi mishto, te venn i bibolde khetne an hako foro, kay djivenn le, te kourenn le pengro djipaske, oun marenn kolen, kay ap lende djan, ninna lengre čaven oun djouvyen, yaake te ačell lendar kek djido. Oun lauter, hoy kolenge his, nay lenn le penge, te vell lengro.

O Debleskro Drom 2021 (Sinte)

¹¹ Un an kol lila his tchinlo: O baro rajeske hi mishto, te wenn i bibolde khetne an hako foro, kai djiwenn le, te kurenn le pengro djipaske, un marenn kolen, kai ap lende djan, ninna lengre tchawen un djuwjen, jaake te atchell lendar kek djido. Un lauter, hoi kolenge his, nai lenn le penge, te well lengro.

Ester 8:11 Iomraidhean Croise

Ester 3:13

Koy dren his činlo: I tsele bibolde hounte venn maredo, terne oun phoure, ninna i čave oun djouvya, te ačell kek lendar bouder djido. Oun kova te vell ap yek dives, ap o deesh-te-triinto dives an o deesh-te-douyto čon. Kova hi o čon Adar. Oun i biboldengro koova nay lell hakeno peske. Oun naashepangre van kharedo, oun lenge vas penlo, te anenn le kol lila an i tsele themma, kay o Ahasveros baro ray hi.

Ester 9:18

Kol bibolde, kay an o foro Susa djivan, kolla djan an o marepen ap o 13. (deesh-te-triinto) oun ap o 14. (deesh-te-starto) dives an ko čon. Oun ap o 15. (deesh-te-pančto) dives kran le či. Oun kran lestar i dives, kay krenn le či oun venn khetne, rhan oun piyenn oun hi barhtelo.

Debleskri gili 137:8

Tou, foro Babilon, tou, kay lauter an kotya deh! Barhteles vell kova, hoy touke pale della kova, hoy tou menge kral!

Debleskri gili 68:3

Yaake har i yagakro dourho krik phourdedo vell, yaake phourdell yob len krik. Yaake har i momeli rhačrell tele oun bouder gar koy hi, yaake venn kol čilače bouder gar diklo glan o Debleste.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Ezekiel 39:10

Oun yon hounte lenn bouder kek kasht an o veesh khetne, vitar gar hounte denn le rouka tele, te vell len yagakro kasht. Na-a, kol karmangre lenn le oun krenn lentsa pengri yag. Oun yon randenn kolen vin, kay kaman len vin te randell. Kolla, kay kaman pash lende te čorell, venn kanna lendar vin čoredo. Kava penell o baro Devel, maro ray.