Ester 7:8 - O Debleskro Lab 2024 (Sinte-Manouche)

⁸ Har vas o baro ray dran i baar pale pale an koy isema, kay yon khetne mool piyan, dikas lo o Haman, kay glan i divana čiddo his, kay i rani hi. Koy das lo gole: “Kamell lo kanna pash mande an miro kheer i ranyake čomone te krell?” Kol laba his gomme gar dran o baro rayeskro mouy tseles vin, koy čakran i boudepangre o Hamaneskro shero.

O Debleskro Drom 2021 (Sinte)

⁸ Har was o baro rai dran i baar pale pale an koi isema, kai jon khetne mool pijan, dikas lo o Haman, kai glan i diwana tchiddo his, kai i rani hi. Koi das lo gole: “Kamell lo kanna pash mande an miro kheer i ranjake tchomone te krell?” Kol laba his gomme gar dran o baro rajeskro mui tseles win, koi tchakran i budepangre o Hamaneskro shero.

Ester 7:8 Iomraidhean Croise

Ester 1:5

Har kol divessa trouyel djan, kras o baro ray i baro rhapen kolenge lauterenge, kay an peskro zorelo kheer an o foro Susa his, i barenge oun i tiknenge. Ko baro rhapen djas efta divessa. Oun i menshe van khetne an i baar pash o baro rayeskro raylo kheer.

Ester 1:6

Kote his parne oun blauete plarhte pandlo ap roupene goustria mank turme dran marmor. Troul kol plarhte his layntikre oun lole dorya. Beshepangre i heryentsa dran sonakay oun roup his kote tardo ap i kouč barrengri phoub, hoy zenelo, parno, djelto oun kalo his.

Ester 6:12

Palle djas o Mordekay pale an o voudar pale glan o baro rayeskro kheer. Oun o Haman ladjas pes oun khatras peskro shero, oun djas sik khere.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Hiob 9:24

Yob das i phoub an o vast i čilačendar. Oun kolla, kay o čačepen vin krenn, kolen kras lo korelo, te dikenn le či. Te his yob kova gar, koon vavar his kova?

Jesaja 22:17

Tou patseh, te hal i zorelo morsh! Shoun, o baro Devel lell tout oun vitsrell tout dour krik! Yob taprell tout,

Jesaja 49:23

Oun bare raya venn touke koy oun lengre romya denn yak ap tire tikne čavende. Oun bare raya vitsrenn pen glan toute ap i phoub, oun čoumrenn i čik tire pirendar. Kote hayveh tou palle, te hom me o baro Devel. Oun kolla, kay dikenn ap mande, te vap ap lengri rig, dikenn gar čičeske ap mande.

Amos 3:12

Kova penell o baro Devel: I bakro, kay an o leveskro mouy hi, kolestar nay tserdell o bakrengro gar boudeder vin har douy herya oder i kotar kand. Yaake djal i Israelenge, kay hi kanna beshdo an Samaria ap shoukar beshepangre oun ap pernitse dran phar. Lendar ačell gar boud pral.

Markus 14:65

Koy van morsha oun čoungran leske an o mouy, pandan leske čomone troul leskre yaka, dan les oun penan ap leste: “Pen menge, koon das tout?” Oun i lourde dan les an o mouy.