Ester 7:4 - O Debleskro Lab 2024 (Sinte-Manouche)

⁴ Mer vam bikedo, me oun mire menshe, te vas mer maredo, yaake te ačell kek mendar djido. Te vams mer kokres bikedo, morsha oun djouvya, te vas ginle boudepangre, kroms miro mouy gar pre. Kova vals gar phares doha, te vap koleha pash o baro rayeste.”

O Debleskro Drom 2021 (Sinte)

⁴ Mer wam bikedo, me un mire menshe, te was mer maredo, jaake te atchell kek mendar djido. Te wams mer kokres bikedo, mursha un djuwja, te was ginle budepangre, kroms miro mui gar pre. Kowa wals gar phares doha, te wap koleha pash o baro rajeste.”

Ester 7:4 Iomraidhean Croise

Nehemia 5:5

Yon lauter penan: “Mer ham har mare phrala, lengro mass oun rat. Mare čave hi har lengre čave! Oun mer hounte das mare čaven oun čen lende, te venn le lengre boudepangre. Oun mank mare čende hi save, kay van zoryah an-tapedo. Oun mer nay krah či. Oun mari harhetikri phoub oun maro drakengro them hi vavaren.”

Ester 3:13

Koy dren his činlo: I tsele bibolde hounte venn maredo, terne oun phoure, ninna i čave oun djouvya, te ačell kek lendar bouder djido. Oun kova te vell ap yek dives, ap o deesh-te-triinto dives an o deesh-te-douyto čon. Kova hi o čon Adar. Oun i biboldengro koova nay lell hakeno peske. Oun naashepangre van kharedo, oun lenge vas penlo, te anenn le kol lila an i tsele themma, kay o Ahasveros baro ray hi.

Ester 3:9

Miro ray, te kameh, mouk i liil te činell, kay dren tardo hi, te venn le maredo. Oun me dau deesh-zerya kotar roup an i vasta i pralstunendar pral o rayeskro bravlepen.”

Ester 7:5

Kote poučas o baro ray Ahasveros i ranyatar Ester: “Koon hi kova? Oun kay hi lo, koles an o shero vas, te krell lo sau koova?”

Ester 7:6

Oun i Ester penas: “Kova, kay lell men palla oun kamell men te marell, kava hi ko čilačo morsh Haman!” Kote tapras o Haman i daar glan o baro rayeste oun i ranyate.

Ester 8:11

Oun an kol lila his činlo: O baro rayeske hi mishto, te venn i bibolde khetne an hako foro, kay djivenn le, te kourenn le pengro djipaske, oun marenn kolen, kay ap lende djan, ninna lengre čaven oun djouvyen, yaake te ačell lendar kek djido. Oun lauter, hoy kolenge his, nay lenn le penge, te vell lengro.

Ester 8:6

Har nay dikap me savi bari bibarht, hoy mire menshenge vell? Oun har nay vap me kote pashel tardo, te denn le mire tsele menshen moulo, oun krau či?”

Ester 9:25

An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Daniel 6:2

Oun an leskre yaka his lačo, te čivas lo 120 (sheel-te-biish) pralstunen pral i tsele themma, kay yob o ray his.

Amos 2:6

O baro Devel penell: I menshe an o them Israel kran pale te pale djoungelo koova. Yon bikran lovenge menshen, kay lenge či kran, ninna i čorvelen, kay nashte denn kek love i kirrhenge.

Louka 12:45

“Ko boudepaskro, te penell lo ap peste: Miro ray vell gar yaake sik pale, oun yob dell kol vavar boudepangren dava, oun rhal oun piyell pes mato,

5. Mose 28:68

Oun o baro Devel anell t'men ap i shiffe pale an o them Egiptia, ap ko drom, kolestar me penom: “Kote hounte djan t'mer gar pale!” Oun kote kamenn t'mer kolenge te boudrell, kay dikenn čilačes ap t'mentsa. Lenge kamenn t'men te bikrell, te venn lengre boudepangre. Oun kek kamell t'men te ginell.

Josua 9:23

Oun kanna venn praasedo! Hako tsireske venn t'mer mare boudepangre, oun hounte denn kasht oun hounte anenn pani miro Debleskro khereske.”

1. Samuel 22:23

Ač pash mande oun ma dare! Yob, kay man kamell te marell, kova kamell tout ninna te marell. Kate pash mande nay krell lo tout či.”