Ester 7:10 - O Debleskro Lab 2024 (Sinte-Manouche)

¹⁰ Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

O Debleskro Drom 2021 (Sinte)

¹⁰ Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Ester 7:10 Iomraidhean Croise

1. Mose 40:22

Oun o pralstounes pral o maro moukas yob te bladell ap i kasht, yaake har o Yosef lenge glan-vi penas.

Ester 2:1

Oun pal ko koova, har djas i rholi o baro rayestar Ahasveros pale, djas leske an o shero trouyel, hoy i Vasti kras, oun hoy lah kerdo vas.

Ester 5:14

Kote penas leskri romni Seresh oun leskre tsele mala ap leste: “Mouk i kasht pre te čivell, hoy hi i paash-sheel (50) moussya bares! Oun taysarlakro pen ap o baro rayeste, te moukell lo o Mordekayes ap ko kasht pre te bladell. Oun palle dja leha barhteles pash o rhapen.” Oun kol laba his o Hamaneske lačes, oun yob moukas savo kasht pre te čivell.

Ester 7:7

Oun o baro ray stas rhoyedo pre kotar, kay le mool khetne piyan. Oun djas vin an i baar pash peskro kheer. Oun o Haman ačas pash i ranyate Ester, te mangell lo latar peskro djipen. Yob dikas koy bibarht, hoy pral leste vell, hoy o baro ray peske glan las.

Ester 7:8

Har vas o baro ray dran i baar pale pale an koy isema, kay yon khetne mool piyan, dikas lo o Haman, kay glan i divana čiddo his, kay i rani hi. Koy das lo gole: “Kamell lo kanna pash mande an miro kheer i ranyake čomone te krell?” Kol laba his gomme gar dran o baro rayeskro mouy tseles vin, koy čakran i boudepangre o Hamaneskro shero.

Ester 8:7

Kote penas o baro ray Ahasveros ap i rani Ester oun ap o Mordekay, ko biboldo: “Djinenn, o Hamaneskro kheer dom i Esterate, te vell lo lakro. Oun les moukom ap ko kasht pre te bladell doleske, kay kamas lo i bibolden te marell.

Ester 9:14

Oun o baro ray penas, te vell kova yaake kerdo. Oun ko lab vas činlo oun prindjedo kerdo an o foro Susa. Oun kol deesh moule čave o Hamanestar van ap kashta pre pandlo.

Ester 9:25

An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Hiob 18:8

Leskre pire taprenn pen an i netsa, oun yob perell an i čakedi grouba.

Hiob 20:8

Yob djal krik har i souni, oun vell bouder gar hatslo. Har kova, hoy yek souni das, bouder gar koy hi, yaake ačell či lestar.

Debleskri gili 37:15

Yon denn pen pengro rhareha kokres an pengro dji čourye, oun lengre boge venna phagedo.

Debleskri gili 7:16

Yob hadas i rheb vin, hoy djas dour tele, oun peras palle kokres dren, – an koy rheb, hoy yob i vavareske vi-hadas.

Debleskri gili 94:23

Yob moukell lengro midjak koova ap lende pale te perell, oun dran lengro čilačepen marell lo len. Ava, maro baro Devel marell len!

Gosewe laba 11:27

Kova, kay kamell o tselo djiyeha o lačepen te krell, ap koleste dikenn le lačes. Kova, kay o čilačepen rodell, ap koleste vell kova.

Gosewe laba 11:8

Kova, kay an o čačepen tardo hi, vell vin lino dran i bibarht. Oun pal leste vell ko čilačo koy dren.

Gosewe laba 26:27

Kova, kay i vavareske i grouba vin hadas, kova perell kokres dren. Oun yek, kay vitsrell i bar, ap koleste perell lo pale tele.

Jeremia 34:17

Doleske penell o baro Devel: T'mer shounan gar ap mande oun moukan t'mare phralen oun phenyen gar vin te djal, kay ninna Israelitarya hi har t'mer, doleske moukau me, o baro Devel t'men te djal, te venn maredo o rhareha, merenn ap o djoungelo nasslepen oun i bokatar. Te dikenn i menshe an tsele themma ap i phoub, hoy t'mentsa djal, denn le i vasta pral o shero khetne.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Daniel 6:24

Kote stas o baro rayeskro dji i barhtyatar. Oun yob penas, te lenn le o Danieles vin dran koy grouba. Oun o Daniel vas vin lino, oun kek doukepen vas ap leste hatslo, doleske kay rikras yob zoreles ap peskro Debleste.

Daniel 6:25

Oun o baro ray moukas kol morshen glan peste te anell, kay kova ap o Daniel pre anan. Oun yob moukas len an i grouba te vitsrell pash i leve, len oun lengre čaven oun romyen ninna. Oun har yon gomme gar ap i phoub tele van, tapran i leve len, oun phagan lengre kokale.

Zakarie 6:8

Palle das o bolepaskro gole ap mande: “Kol graya, kay djan ap o servo drom, hoy djal an o them Babilonia, kolla kran, hoy o baro Devel kote kamas te krell.”

Čačepangre 15:7

Oun o Simson penas ap lende: “Te krenn t'mer savo koova, palle dau me gar palla, bis te dom t'men lauter pale.”