Ester 6:1 - O Debleskro Lab 2024 (Sinte-Manouche)

¹ An koya rat nay sovas o baro ray gar, oun moukas peske glan te draverell dran o bershengro liil o themestar.

O Debleskro Drom 2021 (Sinte)

¹ An koja rat nai sowas o baro rai gar, un mukas peske glan te drawerell dran o bershengro liil o themestar.

Ester 6:1 Iomraidhean Croise

1. Mose 22:14

O Abraham das koy platsa ko lab O baro Devel dikella. Yaake vell bis kay dives penlo: Ap koy berga, kay o baro Devel dikella.

Ester 10:2

Ko tselo baro raylo koova, hoy lo kras oun leskri zoor pral kol boud themma, kova hi činlo an i familyakro liil kol bare rayendar pral o them Media oun Persia. Kote hi ninna činlo, har o baro ray o Mordekayes hadas oun bares kras,

Ester 2:21

An kol divessa har o Mordekay an ko baro voudar glan o baro rayeskro kheer beshdo his, van douy boudepangre an i bari rholi. Kolla dan yak ap i voudya oun kharan Bigtan oun Teresh. Oun yon lan penge glan, te denn le o baro rayes Ahasveros moulo.

Ester 2:22

Oun ko koova shounas o Mordekay oun penas les ap i rani Ester, oun penas lake ninna, te penell li les o baro rayeske doureder. Oun i Ester kras kova.

Ester 2:23

Oun har dikan le palla, vas vin, te his kova čačo. Oun kol douy van ap o kasht bladedo. Oun o baro ray moukas kava koova dren te činell an o bershengro liil o themestar.

Ester 5:8

Te hal mange lačes, oun te hi mishto an tire yaka, miro ray, mange kova te dell, hoy me toutar mangau, palle ab tou oun o Haman pash o rhapen, hoy me t'menge taysar krau. Oun taysar penau touke, hoy kamau toutar.”

Jesaja 41:17

Kolla, kay čorvele hi, oun kolen gar doha hi djipaske, rodenn pal pani, oun dell kek. Oun len hi bari troush. Me, o baro Devel, shounau ap lende, me, o Israeleskro Devel, moukau len gar.

Daniel 2:1

Oun an ko tsiro, har o Neboukadnezar an o douyto bersh o baro ray his, his les i souni, kay les savi daar kras, te nay sovas lo bouder gar dren.

Daniel 6:18

Oun i bar vas anlo oun ap i grouba čiddo. Oun o baro ray čivas peskro sikepen koy pre peskri goustyah oun i goustyentsa kol vavar rayendar, yaake te nay krell kek vavar čomone o Danieleha.

Maleachi 3:16

Koy rakran kolla mank pende, kay djivenn o baro Debleha. Oun o baro Devel das yak ap lengre laba oun shounas, hoy le penenn, oun moukas len an i liil dren te činell, te venn le gar bistedo. An kava liil hi kolla dren tardo, kay djivan leha, oun hadan leskro lab.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.