Ester 5:9 - O Debleskro Lab 2024 (Sinte-Manouche)

⁹ Har o Haman ko dives dran o kheer djas, his lo barhtelo oun peskro dji sanas. Koy dikas lo o Mordekayes beshdo an o baro voudar glan o baro rayeskro kheer. Oun kova stas gar pre, oun vitsras pes gar glan leste tele. Koy tapras o Hamanes i bari rholi pral o Mordekay.

O Debleskro Drom 2021 (Sinte)

⁹ Har o Haman ko diwes dran o kheer djas, his lo bachtelo un peskro dji sanas. Koi dikas lo o Mordekajes beshdo an o baro wudar glan o baro rajeskro kheer. Un kowa stas gar pre, un witsras pes gar glan leste tele. Koi tapras o Hamanes i bari choli pral o Mordekai.

Ester 5:9 Iomraidhean Croise

1. Rajengro liil 21:4

Kote djas o Ahab an peskro kheer, doukedo oun rhoyedo pral ko lab, hoy o Nabot dran Yesreel ap leste rakras, har penas lo: “Me dau tout kova gar, hoy mire phourendar lom pal lengro merepen.” Oun o Ahab čivas pes ap peskro čiben, oun čivas peskro mouy ap i vavar rig, oun rhas či.

1. Rajengro liil 21:6

Kote penas yob ap late: “Me penom ap o Nabot dran Yesreel: De man tiro kotar phoub, kay tire drakengre rouka tardo hi. Me playsrau les touke, oder, te kameh, dau tout i vavar kotar phoub drakengre roukentsa. Yob penas mange: Me dau touke gar miro kotar phoub i drakengre roukentsa.”

Ester 2:19

His an ko tsiro, har i douyto kopo terne ča khetne anlo van o baro rayeske. Koy his o Mordekay beshdo an o baro voudar glan o baro rayeskro kheer.

Ester 3:2

Oun o baro ray penas, te djan i tsele pralstoune, kay an o baro voudar glan leskro kheer hi, ap i phoub glan o Haman oun parkrenn les. Oun yaake kran le. Kokres o Mordekay kamas gar, oun djas gar glan leste tele ap i phoub.

Ester 3:5

Oun har o Haman dikas, te vitsrell o Mordekay pes gar glan leste tele, tapras les i bari rholi.

Ester 5:13

Kova lauter hi mange či moldo, yaake rah me ko biboldes Mordekay dikau an o baro voudar glan o baro rayeskro kheer.”

Hiob 20:5

vell koy barhteli gole kol čilačendar kokres i tikno tsiro shounlo. Oun koy barht kolestar, kay kamell či o Deblestar te djinell, djal sik trouyel.

Hiob 31:31

Na-a, lauter kay pash mande djivenn, djinenn, hakeno, kay pash mande vas, las lačes oun doha te rhal.

Debleskri gili 15:4

Kova, kay hadell gar kolen, kay kova krenna, hoy o baro Devel gar kamella, Na-a, yob hadell kolen, kay o baro Debleha djivenna. Yob krell, ap hoy yob pes sovel das, ninna te vell kova leske phares.

Debleskri gili 27:3

Ninna te venn boud lourde troul mande trouyel, taprell miro dji kek daar. Ninna te djan le an o kourepen khatar mande, hom me pherdo patsepen ap miro baro Debleste.

Daniel 3:13

Oun i bari rholi tapras o Neboukadnezar. Oun yob penas, te anenn le kol triin morshen glan leste. Oun i morsha van glan leste anlo.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Mateo 2:16

I goseve morsha djan ap i vavar drom an pengro them, oun van gar pash o Herodeste pale. Har yob kova hayvas, vas i bari rholi ap leste. Oun yob bičras lourden an o foro Betlehem oun an i gaba trouyel, te marenn le kol tsele morsh čaven, kay douy bersha oun terneder hi. Kol douy bersha his ko tsiro, kay i goseve morsha leske penan, te vas o čavo boldo bis ko dives.

Louka 6:25

Bibarht vell ap t'mende, kay kanna čalo han. T'mer bokenna. Bibarht vell ap t'mende, kay kanna sana. T'mer rovenna, oun denn gole.

Johanni 16:20

Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.

Bičepangre 7:54

Har yon kova shounan, hoy o Stefano lenge penas, djas lenge kova an o dji, oun i bari rholi tapras len.

Jakobo 4:9

Denn gole pral t'maro čilačo djipen! Rovenn koy pral! Ma san gar bouder! Avenn bibarhtelo oun bouder gar barhtelo!