Ester 5:6 - O Debleskro Lab 2024 (Sinte-Manouche)

⁶ Oun har le i mool piyan, poučas o baro ray: “Hoy hi kova, hoy tou mandar mangeh? Me dau les toute. Hoy kameh tou? Oun te kameh o paash lauterestar hoy man hi, kova vell tout dino!”

O Debleskro Drom 2021 (Sinte)

⁶ Un har le i mool pijan, putchas o baro rai: “Hoi hi kowa, hoi tu mandar mangeh? Me dau les tute. Hoi kameh tu? Un te kameh o paash lauterestar hoi man hi, kowa well tut dino!”

Ester 5:6 Iomraidhean Croise

Nehemia 2:4

Oun o baro ray poučas: “Hoy kameh tou?” Kote rakrom o Debleha an o bolepen,

Ester 5:3

Oun o baro ray poučas: “Hoy hi touke, rani Ester? Oun hoy kameh tou? Oun te kameh o paash lauterestar, hoy man hi, palle vell kova tout dino.”

Ester 5:7

Koy penas i Ester: “Kova, hoy me kamau oun toutar mangau, hi kava:

Ester 7:2

Oun o baro ray poučas ninna ap kava douyto dives, har yon i mool piyan: “Hoy hi kova, hoy tou mandar mangeh, rani Ester? Me dau les toute. Hoy kameh tou? Oun te kameh o paash lauterestar hoy man hi, kova vell tout dino!”

Ester 9:12

Oun o baro ray penas ap i rani Ester: “Kokres an miro zorelo kheer an Susa dan i bibolde panč-sheel morshen moulo. Ninna i deesh čaven o Hamanestar maran le. Poučau man, hoy kran le an mire vavar themma? Hoy mangeh tou boudeder, te vell tout dino? Oun hoy kameh tou? Kova vell kerdo.”

Markus 6:23

Oun yob das pes sovel: “Hoy tou mandar ninna mangeh, kova dau tout, ninna te mangeh mandar o paash miro themestar oun bravlepen.”