Ester 5:14 - O Debleskro Lab 2024 (Sinte-Manouche)

¹⁴ Kote penas leskri romni Seresh oun leskre tsele mala ap leste: “Mouk i kasht pre te čivell, hoy hi i paash-sheel (50) moussya bares! Oun taysarlakro pen ap o baro rayeste, te moukell lo o Mordekayes ap ko kasht pre te bladell. Oun palle dja leha barhteles pash o rhapen.” Oun kol laba his o Hamaneske lačes, oun yob moukas savo kasht pre te čivell.

O Debleskro Drom 2021 (Sinte)

¹⁴ Kote penas leskri romni Seresh un leskre tsele mala ap leste: “Muk i kasht pre te tchiwell, hoi hi i paash-sheel (50) mussja bares! Un taissarlakro pen ap o baro rajeste, te mukell lo o Mordekajes ap ko kasht pre te bladell. Un palle dja leha bachteles pash o chapen.” Un kol laba his o Hamaneske latches, un job mukas sawo kasht pre te tchiwell.

Ester 5:14 Iomraidhean Croise

2. Samuel 16:21

Penas o Ahitofel: “Dja pash i djouvyende tiro dadestar, kolen tiro dad moukas koy, te denn yon garda ap ko kheer! Oun sob lentsa! Yaake shounell o tselo Israel, kay tou tout pash tiro dadeste gar kamlo kral. Palle venn lauter kolla, kay ap tiri rig hi, zorleder.”

1. Rajengro liil 21:25

Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

1. Rajengro liil 21:7

Kote penas leskri romni, i Isebel, ap leste: “Bistral, te hal gar o ray pral Israel? Ste pre, rha čomone! Biste tiri rholi! Me lau kava koova an o vast, te vell tout ko kotar phoub, hoy hi o Nabotes dran Yesreel.”

Ester 6:4

Kote poučas o baro ray: “Koon hi vin ap i glanstouni platsa?” Oun kote his o Haman ap ko tsiro ap i glanstouni platsa glan o baro rayeskro kheer, te penell lo o baro rayeske, te moukell yob o Mordekayes pre te bladell ap ko kasht, hoy lo koleske pre-čivas.

Debleskri gili 37:14

I čilače lenn pengro rharo, oun hadenn pengro bogo, te marenn le i čorvelen oun kolen, kay nay kourenn pen gar, ninna lauteren, kay djan ap o čačo drom.

Debleskri gili 37:32

O čilačo lell koles an o yak, kay an o čačepen tardo hi, te hatsell lo i drom, te nay dell lo les moulo.

Debleskri gili 9:15

Palle djau an i voudya tiro forestar Sion dren, oun rakrau lauterentsa pral ko lačepen, hoy tou ap mande kral, oun sharau tout i barhtelo djiyeha, kay tou man dran i bibarht vin lal.

Gosewe laba 1:18

Hi gar yaake kal morshentsa: Yon kamenn i vavaren te marell, oun hayvenn gar, te perenn le kokres an pengri netsa.

Gosewe laba 4:16

Kol menshe nay sovenn gar yaake rah bis te kran le čomone čilačo. Lenge vell o sopen randedo, te anan le gar yekes an i bibarht.

Remarja 1:32

Yon djinenna, o Devel dell kolen i phagi, kay yaake djivenna. Oun koy phagi hi o merepen. Ninna te djinenn le kova, krenn le ko čilačo koova, oun sharenn kolen, kay kova ninna krenna.

Remarja 3:15

Yon hi sik, te marenn le.

Debleskro tsiro 11:10

I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.