Ester 4:3 - O Debleskro Lab 2024 (Sinte-Manouche)

³ Oun an hako them, kay o liil o baro rayestar vas, his baro ropen mank i bibolde. Oun boud kaman bouder či te rhal, rovan oun rivan pen an gone oun čivan yagakri čik ap pende.

O Debleskro Drom 2021 (Sinte)

³ Un an hako them, kai o liil o baro rajestar was, his baro ropen mank i bibolde. Un bud kaman buder tchi te chal, rowan un riwan pen an gone un tchiwan jagakri tchik ap pende.

Ester 4:3 Iomraidhean Croise

Ester 1:1

His an ko tsiro, har o Ahasveros o baro ray his pral 127 (yek-sheel-te-biish-te-efta) themma, hoy djan o themestar India bis pash o them Etiopia.

Ester 3:12

Ap o 13. (deesh-te-triinto) dives an o ersto čon van kol morsha kharedo, kay o baro rayeskre lila činenn. Oun kolla činan, hoy o Haman lenge penas, an lila ap i pralstunende ko themestar, ap i themeskre rayende oun i pralstunende pral hako them. Hako liil his yaake činlo, har an ko them činlo vas, oun an ko rakepen, har kote rakedo vas. An o lab o baro rayestar Ahasveros van kol lila činlo. Oun leskri goustyah vas leskro sikepen tel hako liil čiddo.

Ester 4:16

“Dja koy oun de i tsele bibolden an o foro Susa khetne gole! Rhan oun piyenn triin divessa či, gar ap o dives, vitar gar an i rati. Krenn kova mange, te dikell o Devel lačes ap mande! Oun me oun kol djouvya, kay mange boudrenn, mer kamah kova ninna yaake te krell. Oun pal kova kamau pash o baro rayeste dren te djal, ninna te hi khatar o činlo lab. Oun te denn le man moulo, palle denn le man moulo.”

Ester 4:2

Oun yaake vas lo bis glan o baro voudar o baro rayeskro kherestar. Oun kote ačas lo. Kek, kay his rido an gone, nay djas dren.

Ester 4:4

Oun i djouvya, kay i Esterake boudrenn oun kol pralstoune, kay lake koy hi, van pash late oun penan lake kava koova. Oun kote tapras i rani bari daar. Oun yoy bičras ripya pash o Mordekay, te rivell lo len an, oun te čivell lo o gono pestar tele. Oun yob kamas gar.

Ester 9:31

Mer, o biboldo Mordekay oun i rani Ester, mangah t'mendar, te rikrenn kol divessa Pourim ap o čačo tsiro yaake dren, har mer kova glan činam. Kal laba hi t'menge oun t'mare čavenge, kay pal t'mende venna.” An kava liil penan le lenge ninna, har te rikrenn le ko ropaskro tsiro dren, kay rovenn le oun rhan či.

Hiob 2:8

Oun o Hiob las i kotar i paash-dino khorestar, te rhandjrell lo pes koleha. Oun yob his beshdo mashkral i yagakri čik.

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jesaja 22:4

Doleske penau t'menge: Ma dikenn ap mande! Moukenn man te rovell. Miro dji hi yaake pharo. Ma rakrenn lačes ap mande, kamau gar te bistrap koy bibarht, hoy ap mire menshende vas.

Jesaja 58:5

Patsenn t'mer, kay mange mishto hi, te rikrell pes i mensho pale o rhapastar, oun moukell peskro shero tele te perell har i phagedo shilftikro halmo? Te pandell lo i gono troul peste oun beshell pes an i yagakri čik? Patsenn t'mer, savo koova hi mishto mange? Hi kova čačepah i dives, ap koleste me, o baro Devel, lačes dikau?

Ezekiel 27:30

Hi i bari gole, hoy le pral toute denn, oun o djiyestar troul toute rovenn. Ap lengre sherya vitsrenn le čik, oun čivenn pen an i yagakri čik.

Daniel 9:3

Oun me dikom pre pash o Debleste, miro rayeste, oun rodom les oun mangom les ropah, rhom či oun rivom man an i gono, oun vitsrom yagakri čik pral mande.

Jona 3:6

Har o baro ray o forestar Ninive shounas, hoy o Yona rakras, stas lo pre peskro beshepastar, rivas peskri kouč plaashka vin, oun čivas i gono ap peste, oun beshas pes an i yagakri čik.

Mateo 13:42

Oun i bolepangre vitsrenn len an i bobeskri yag. Kote rovenn le, oun dandrenn i danda i doukatar khetne.

Mateo 22:13

Penas o baro ray ap peskre boudepangre: Pandenn les ap i pire oun ap i vasta, oun vitsrenn les vin an i kali rat! Oun kote rovenn le oun dandrenn i danda i doukatar khetne.”

Mateo 25:30

Ko boudepaskro, kay či moldo hi, vitsrenn les an i kali rat vin! Kote rovenn le, oun dandrenn i danda i doukatar khetne.

Josua 7:6

Har o Yosua kova dikas, doukas leskro dji yaake, te kras lo peskre koola, hoy ap leste his, paash, oun moukas pes i mouyeha ap i phoub te perell, – glan o morhton, kay o baro Debleskre deesh laba dren his, oun ačas yaake čiddo bis ap i rat. Ninna i phoureder an Israel kran kova yaake. Oun yon vitsran čik ap pengre shere.

1. Samuel 11:4

Koy van kol morsha, kay dran Yabesh bičedo van an o foro Gibea, kay o Saul djivas, oun penan kol laba i tsele menshenge an o foro. Har kolla kova shounan, rovan le zoreles.