Ester 4:14 - O Debleskro Lab 2024 (Sinte-Manouche)

¹⁴ Tou te peneh či kanna an kava tsiro, palle vell i vavar, kay men bibolden vin lell. Oun tou oun tiro dadeskro kheer venn maredo. Oun koon djinell, te val tou gar rani savo tsireske har kava kanna hi?”

O Debleskro Drom 2021 (Sinte)

¹⁴ Tu te peneh tchi kanna an kau tsiro, palle well i wawar, kai men bibolden win lell. Un tu un tiro dadeskro kheer wenn maredo. Un koon djinell, te wal tu gar rani sawo tsireske har kawa kanna hi?”

Ester 4:14 Iomraidhean Croise

1. Mose 22:14

O Abraham das koy platsa ko lab O baro Devel dikella. Yaake vell bis kay dives penlo: Ap koy berga, kay o baro Devel dikella.

2. Rajengro liil 13:5

Oun o baro Devel bičras i Israelenge yekes, kay len vin las dran i čilače vasta i menshendar dran o them Syria, te nay djivenn i Israelitarya pale an pengre khera, yaake har glan ko tsiro his.

2. Rajengro liil 19:3

Oun yon hounte penan leske: “Kava penell o Hiskiya: Kava dives hi i dives pherdi traash, phagi oun ladj. Hi yaake har penlo vell: O ternepen kamell ap kay phoub te vell, oun i dat hi kek zoor, te anell li les vin.

Esra 9:9

Mer hams pandle boudepangre, oun tou, maro Devel, moukal men gar kokres an maro pandepen. Tou kral, te dikan i raya pral o them Persia lačes ap mende, oun dal men nevi zoor, te nay čivas mer tiro kheer pale pre, yaake te vas dran kol paash dine oun rhačede barra i nevo kheer touke. Kova kral tou, te djivas mer pale an o them Youda oun an o foro Yerusalem kek trashah.

Nehemia 6:11

Me penom: “I morsh, har me hom, nashell gar krik. Patseh, te djoms an o Debleskro kheer, te ačap djido? Me djau gar dren!”

Ester 2:15

Ko tsiro vas, te djal i Ester pash o baro rayeste. Lakro dad his o Abihayil oun lakro kako o Mordekay, kay lat pash peste las, har vell li leskri čay. Oun yoy kamas či boudeder peha te lell, har o Hegay, ko pralstouno pral i djouvyende, lake penas. Oun an i yaka lauterendar, kay dikan lat, his li shoukar.

Ester 2:17

Oun o baro ray kamas lat boudeder har i tsele vavar djouvyen. An leskre yaka his li shoukeder oun feteder har haki vavar terni čay. Oun yob čivas ko shereskro sonakay ap lakro shero, hoy i rani hidjrell. Oun kras latar i nevi rani, yaake har i Vasti glan late his.

Ester 2:7

Oun pash o Mordekay djivas i terni čay, i Hadassa, kay ninna Ester kharedo vas. Yoy his leskro kakeskri čay, oun lat his bouder kek dad oun kek day. Oun yoy his i shoukar oun rayli čay. Oun har lakro dad oun lakri day meras, las o Mordekay lat pash peste oun vas lake har lakro dad.

Ester 4:13

moukas lo lake pale te penell: “Ma pats, te nay veh tou tiro djipah krik, doleske, kay djiveh an o baro rayeskro kheer! Ma pats, te ačess tou kokres djido i tsele biboldendar!

Ester 4:15

Kote moukas i Ester ap o Mordekay te penell:

Hiob 9:18

Yob moukell man gar yek kopo dourho te lell, na-a, yob krell man pherdo ropen oun douk.

Sikepaskro 3:7

Koy hi yek tsiro, kay krenn i menshe pengre koola paash, oun yek vavar tsiro, kay sivenn le penge neve koola. Koy hi yek tsiro, kay rakrah gar, oun i vavar tsiro, kay rakrah.

Jesaja 49:23

Oun bare raya venn touke koy oun lengre romya denn yak ap tire tikne čavende. Oun bare raya vitsrenn pen glan toute ap i phoub, oun čoumrenn i čik tire pirendar. Kote hayveh tou palle, te hom me o baro Devel. Oun kolla, kay dikenn ap mande, te vap ap lengri rig, dikenn gar čičeske ap mande.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Jeremia 30:11

Me, o baro Devel, hom pash t'mende, te vap ap t'mari rig. Kol natsyone, mank kolende tradom t'men, kolla hounte djan tele. T'mer djan gar tele. T'mende dau i phagi har t'menge mishto hi. Kek daventsa nay moukau t'men gar. Vals gar mishto, te dap t'men kek phagi.

Jeremia 46:28

Doleske, ma traash, Yakob, miro boudepaskro, penell o baro Devel. Me hom pash toute. Kol tsele natsyone, kay me tout tradom, moukau gar te djivell. Tout moukau te djivell. Dava hounte dap tout, har touke mishto hi. Kek daventsa nay moukau tout gar.

3. Mose 26:42

palle kamau koy sovel, hoy o Yakobeske dom, gar bistrell, vitar gar koy sovel, hoy o Isaakeha dren djom, oun koy sovel, hoy o Abrahameha krom. Oun bistrau gar, te penom lenge, te dap o them lengre čavenge, kay pal lende venna.

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

5. Mose 32:36

Čačepah o baro Devel dell peskre menshende lengro čačepen. Te dikell lo, har leskre boudepangre nashran pengri zoor, khaytenn le les. Te dikell lo, har kek ap lengri rig hi, krell yob peskro dji lenge pre.

Čačepangre 15:6

Oun i Filistarya poučan: “Koon his kova?” Oun lenge vas penlo: “O Simson, kova kay i čat o morshestar dran Timna las, oun kova peskri čat lestar pale krik las, oun lat leskro males das.” Kote djan i Filistarya pre, oun rhačran lat oun lakro dades.

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.

1. Samuel 17:29

O David penas: “Hoy krom me? Nay poučau me gar?”