Ester 4:11 - O Debleskro Lab 2024 (Sinte-Manouche)

¹¹ “I tsele pralstoune, kay o baro rayeske boudrenn, ninna i menshe an hako them, koles o baro ray hi, kolla prindjrenn ko činlo lab, te vell hako morsh oun haki djouvel maredo, kay djal dren pash o baro rayeste oun vell ap i platsa an leskro kheer, oun hi lestar gar kharedo. Kokres te lell o baro ray peskro sonakaskro raan oun sikrell ap leste, ačell lo djido. Me vom triyanda divessa bouder gar pash o baro rayeste dren kharedo.”

O Debleskro Drom 2021 (Sinte)

¹¹ “I tsele pralstune, kai o baro rajeske budrenn, ninna i menshe an hako them, koles o baro rai hi, kolla prindjrenn ko tchinlo lab, te well hako mursh un haki djuwel maredo, kai djal dren pash o baro rajeste un well ap i platsa an leskro kheer, un hi lestar gar kharedo. Kokres te lell o baro rai peskro sonakaskro raan un sikrell ap leste, atchell lo djido. Me wom trijanda diwessa buder gar pash o baro rajeste dren kharedo.”

Ester 4:11 Iomraidhean Croise

Ester 1:19

Te hi mishto an o baro rayeskre yaka, palle djal i lab vin lestar, te nay vell i Vasti bouder gar glan leste. Ko lab vell činlo an o čačepaskro liil ko themestar Persia oun Media, kay kek nay lell les bouder pale. Oun palle lell o baro ray i vavar čay, te vell li rani, – i čay, kay lačeder hi har i Vasti.

Ester 2:14

Ap i rat djas li dren oun taysarlake djas li palle an i vavar djouvyengro kheer, tel i vasta ko pralstunestar, kay kharas Shaashgas. Kova das ap kol djouvyende yak, kay o baro rayeskre vavar djouvya his. Oun kek kol djouvyendar vas i douyto kopo pash o baro rayeste, kokres kolla, kay his shoukar an leskre yaka, oun kolen yob moukas pash pengro lab te kharell.

Ester 4:10

Kote bičras i Ester les pale pash o Mordekay, te penell lo leske:

Ester 4:12

Har shounas o Mordekay, hoy moukas i Ester leske te penell,

Ester 6:4

Kote poučas o baro ray: “Koon hi vin ap i glanstouni platsa?” Oun kote his o Haman ap ko tsiro ap i glanstouni platsa glan o baro rayeskro kheer, te penell lo o baro rayeske, te moukell yob o Mordekayes pre te bladell ap ko kasht, hoy lo koleske pre-čivas.

Ester 8:4

Oun o baro ray las peskro sonakaskro raan oun sikras leha ap i Ester. Kote stas i Ester pre oun vas glan leste,

Daniel 2:9

T'mer lan t'menge glan, te rakrenn o rhorhepen glan mande, bis te vell o tsiro vavarčandes. Doleske penau: Te penenn t'mer mange gar koy souni, palle vell i phagi pral t'mende lauterende. Kanna penenn mange koy souni! Palle nay djinau, te nay penenn mange ninna, hoy yoy kamell te penell.”

1. Petro 3:7

Morshale, djivenn t'mare romyentsa lačes khetne! Yon hi gar yaake zorelo har t'mer. Avenn lačes ap lende! Ma bistrenn, i djouvya lenn o Debleskro djipen har t'mer! Te djivenn t'mer yaake, palle vell či mashkral t'mende tardo ap ko tsiro, kay rakrenn o Debleha.