Ester 3:12 - O Debleskro Lab 2024 (Sinte-Manouche)

¹² Ap o 13. (deesh-te-triinto) dives an o ersto čon van kol morsha kharedo, kay o baro rayeskre lila činenn. Oun kolla činan, hoy o Haman lenge penas, an lila ap i pralstunende ko themestar, ap i themeskre rayende oun i pralstunende pral hako them. Hako liil his yaake činlo, har an ko them činlo vas, oun an ko rakepen, har kote rakedo vas. An o lab o baro rayestar Ahasveros van kol lila činlo. Oun leskri goustyah vas leskro sikepen tel hako liil čiddo.

O Debleskro Drom 2021 (Sinte)

¹² Ap o 13. (deesh-te-triinto) diwes an o ersto tchon wan kol mursha kharedo, kai o baro rajeskre lila tchinenn. Un kolla tchinan, hoi o Haman lenge penas, an lila ap i pralstunende ko themestar, ap i themeskre rajende un i pralstunende pral hako them. Hako liil his jaake tchinlo, har an ko them tchinlo was, un an ko rakepen, har kote rakedo was. An o lab o baro rajestar Ahasveros wan kol lila tchinlo. Un leskri gustjah was leskro sikepen tel hako liil tchiddo.

Ester 3:12 Iomraidhean Croise

1. Rajengro liil 21:8

Palle činas yoy lila an o Ahabeskro lab, čivas i sikepen koy pre, hoy sikras, te van kal lila o Ahabestar, oun bičras len ap i phourende oun pralstunende, kay khetne o Naboteha an o foro Yesreel djivan.

Esra 8:36

Oun yon anan ko liil, hoy o baro ray dran o them Babilonia len lentsa das, pash i pralstunende oun i themeskre rayende vergel o panyestar Eufrat. Oun kolla van i Israelenge ap i rig, oun dikan ninna, te vell o Debleskro kheer pale pre-čiddo.

Ester 1:22

Oun bičras lila an i tsele themma, kay lo baro ray his. Hako liil his yaake činlo, har an ko them činlo vell, oun an ko rakepen, har kote rakedo vell, kay ko liil bičedo vas. Oun an ko liil vas penlo, te vell hako romes an peskro kheer o penepaske, oun te vell an hako kheer ko rakepen rakedo, hoy o rom rakrella.

Ester 3:11

Oun o baro ray penas ap o Haman: “O roup nay rikreh, ninna venn touke kol menshe dino, te nay kress lentsa hoy tou kameh.”

Ester 8:2

Oun las peskri goustri, hoy yob o Hamanestar krik las, oun das lat o Mordekay. Oun i Ester čivas o Mordekayes pral o Hamaneskro tselo kheer.

Ester 9:27

lan pen i bibolde glan, te rikrenn le kol douy divessa bares, oun moukenn gar tele, te rikrenn le len hako bersh yaake har glan činlo vas. Oun yaake vas kova pash lende kerdo. Oun kova his ninna moldo lengre čavenge, kay pal lende venna, oun kolenge, kay kek bibolde hi oun pash lende rikrenna.

Daniel 3:10

Tou, maro baro ray rakral oun penal: Hakeno, kay shounell o phourdepaskro bashepen, o bashepen ap i doryengre bashepangre oun ko vavar bashepen, kova hounte vitsrell pes tele oun hounte mangell koy sonakaskri figura an.

Daniel 6:12

Kote nashan kol morsha sik khetne oun hatsan o Danieles, har yob kote peskro Debles o tselo djiyestar mangas.

Daniel 6:15

Oun har o baro ray shounas, te rakrenn le pral o Daniel, his kova leske gar mishto. Oun yob rodas i drom, har yob o Danieles koy pale nay vin lell. O tselo dives rodas lo bis o kham tele djas, te vell yob gar maredo.

Daniel 6:25

Oun o baro ray moukas kol morshen glan peste te anell, kay kova ap o Daniel pre anan. Oun yob moukas len an i grouba te vitsrell pash i leve, len oun lengre čaven oun romyen ninna. Oun har yon gomme gar ap i phoub tele van, tapran i leve len, oun phagan lengre kokale.

Daniel 6:8

Mer, i pralstoune tiro themestar, i bare lourde, i themeskre raya, i rakepangre oun kol vavar, kay hi len penepaske, mer lauter patsah te vals mishto, te moukess tou, baro ray, vin gole te dell, te mangell kek mensho čomone yek deblestar, ninna i vavar menshestar har toutar kokres an o triyanda (30) divessa, hoy glan mende hi. Kova te vell i lab, hoy hounte vell dre-rikedo. Oun ko mensho, kay i vavarestar čomone mangella, hounte vell vitsedo an i grouba pash i leve.