Ester 2:9 - O Debleskro Lab 2024 (Sinte-Manouche)

⁹ Oun yoy his shoukar an koleskre yaka, oun las yaake leskro lačepen. Oun yob dikas koy pre, te lell li sik kouč makepaskro djet oun sasto rhapen, hoy i djouvyat shoukar krell. Oun yob das lat efta vi-rodede djouvyen, te venn le lake koy. Oun anas lat oun lakre boudepaskretse an i feteder iseme an o djouvyengro kheer.

O Debleskro Drom 2021 (Sinte)

⁹ Un joi his shukar an koleskre jaka, un las jaake leskro latchepen. Un job dikas koi pre, te lell li sik kutch makepaskro djet un sasto chapen, hoi i djuwjat shukar krell. Un job das lat efta wi-rodede djuwjen, te wenn le lake koi. Un anas lat un lakre budepaskretse an i feteder iseme an o djuwjengro kheer.

Ester 2:9 Iomraidhean Croise

1. Mose 39:21

Har yob kote an o stilepen his, his o baro Devel pash leste, oun his kamlo ap leste oun kras, kay hi o pralstouno pral o stilepen lačes ap leste.

1. Mose 39:4

Oun yob moukas o Yosefes peske boudrell oun čivas les pral peskro kheer oun das lauter, hoy leskro his, an o Yosefeskro vast.

1. Rajengro liil 8:50

Oun biste ko čilačepen, hoy yon ap toute kran, lengri tseli doosh, hoy anas len tiro dromestar tele. Kre, te venn oun dikenn kolla lačes ap lende, kay len pandles rikrenn.

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Nehemia 2:8

Oun mouk ninna i liil te činell ap o Asaf, ko pralstouno pral o rayeskre vesha, te dell lo man kasht, te nay krap voudya o zorelo khereske, hoy pash o Debleskro kheer tardo hi, oun ninna kasht, te čivap i massouri troul o foro pale pre, oun kasht ko khereske, an koleste me palle djivau.” Oun o baro ray das kova lauter. Miro Debleskro lačo vast his mantsa.

Ester 2:12

Yek bersh rah vas haki čay shoukar kerdo ko diveske, kay djal li pash o baro rayeste dren: shob čonna vas li dren maklo o djeteha, kay myrrhe dren hi, oun pale shob čonna o djeteha, kay Balsam dren hi oun vavar kouč soungepaskro koveha.

Ester 2:3

Oun biče morshen an i tsele themma, kay baro ray hal, te anenn le i tsele shoukar terne čen kate an tiro zorelo kheer an o foro Susa, oun kote an o djouvyengro kheer. Oun de len an o vast ko pralstunestar, o Hegay, kay dell yak ap i djouvyende. Oun yob moukell lauter ap lende te krell, hoy i djouvyat shoukar krell.

Ester 5:2

Oun har dikas o baro ray i rani Ester tardo ap koy platsa, dikas lo lačes ap late, oun sikras o sonakaskro raneha, hoy an leskro vast hi, ap late. Kote vas i Ester pash leste oun tapras o glanstouno kotar ko ranestar peskre goushtentsa an.

Debleskri gili 106:46

Oun yob kras, te dikan lauter kolla lačes ap lende, kay len pandan.

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

Daniel 1:9

Oun o Devel kras, te vas o pralstouno pral o rayeskro kheer lačes oun kamles ap o Danieleste.

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.