Ester 2:7 - O Debleskro Lab 2024 (Sinte-Manouche)

⁷ Oun pash o Mordekay djivas i terni čay, i Hadassa, kay ninna Ester kharedo vas. Yoy his leskro kakeskri čay, oun lat his bouder kek dad oun kek day. Oun yoy his i shoukar oun rayli čay. Oun har lakro dad oun lakri day meras, las o Mordekay lat pash peste oun vas lake har lakro dad.

O Debleskro Drom 2021 (Sinte)

⁷ Un pash o Mordekai djiwas i terni tchai, i Hadassa, kai ninna Ester kharedo was. Joi his leskro kakeskri tchai, un lat his buder kek dad un kek dai. Un joi his i shukar un raili tchai. Un har lakro dad un lakri dai meras, las o Mordekai lat pash peste un was lake har lakro dad.

Ester 2:7 Iomraidhean Croise

1. Mose 48:5

Oun o Yakob penas doureder ap o Yosefeste: “Kanna shoun, tire douy čave, kay bolde van glan ko tsiro, kay vom pash toute an o them Egiptia, – o Efrayim oun o Manasse – kamau te venn yon mire, yaake har o Ruben oun o Simeon.

Ester 2:15

Ko tsiro vas, te djal i Ester pash o baro rayeste. Lakro dad his o Abihayil oun lakro kako o Mordekay, kay lat pash peste las, har vell li leskri čay. Oun yoy kamas či boudeder peha te lell, har o Hegay, ko pralstouno pral i djouvyende, lake penas. Oun an i yaka lauterendar, kay dikan lat, his li shoukar.

Ester 2:20

I Ester shounas ap o Mordekay yaake har an ko tsiro, har yoy gomme pash leste his. Oun yaake har lo lake penas, penas li gar dran havo them oun have menshendar yoy hi.

Ester 8:1

Ap ko dives das o baro ray, o Ahasveros, i ranyate Ester ko kheer, hoy his o Hamanes, kay i bibolden kamas te marell. Oun i Ester penas o baro rayeske, kay o Mordekay lakro kako hi. Oun o baro ray moukas les glan peste te vell.

Hiob 31:17

Rhom me miro rhapen kokres, oun dom kolen či, kolen bouder kek dad his?

Hiob 31:18

Foun tiknes pre dom me ap lende yak, har te voms me lengro dad. Oun miro tselo djipen vom kol djouvyenge ap i rig, kolengro rom meras.

2. Korintarja 6:18

Oun me kamau t'maro dad te vell, oun t'mer han mire čave oun mire ča. Kova penell o baro Devel, kay hi o ray pral o bolepen oun i phoub.

Efesarja 6:4

T'mer dada, ma rhoyrenn t'mare čaven! Penenn lenge, hoy o Devel lendar kamella, oun sikrenn lende, har te djan le ap o Debleskro drom!

1. Johanni 3:1

Dikenn, har baro o Debleskro kamlepen menge hi. O Devel, maro dad, penell ap mende: “Mire čave.” Oun čačepah, kolla ham mer. Dran kova hayvenn men kol menshe gar, kay o Debles gar prindjrenna. Yon hayvenn gar, koon yob hi.