Ester 2:3 - O Debleskro Lab 2024 (Sinte-Manouche)

³ Oun biče morshen an i tsele themma, kay baro ray hal, te anenn le i tsele shoukar terne čen kate an tiro zorelo kheer an o foro Susa, oun kote an o djouvyengro kheer. Oun de len an o vast ko pralstunestar, o Hegay, kay dell yak ap i djouvyende. Oun yob moukell lauter ap lende te krell, hoy i djouvyat shoukar krell.

O Debleskro Drom 2021 (Sinte)

³ Un bitche murshen an i tsele themma, kai baro rai hal, te anenn le i tsele shukar terne tchen kate an tiro sorelo kheer an o foro Susa, un kote an o djuwjengro kheer. Un de len an o wast ko pralstunestar, o Hegai, kai dell jak ap i djuwjende. Un job mukell lauter ap lende te krell, hoi i djuwjat shukar krell.

Ester 2:3 Iomraidhean Croise

Ester 2:19

His an ko tsiro, har i douyto kopo terne ča khetne anlo van o baro rayeske. Koy his o Mordekay beshdo an o baro voudar glan o baro rayeskro kheer.

Ester 2:4

Palle le koy terni čay, hoy an tire yaka i shoukeder hi, te vell li rani, har i Vasti glan late rani his.” Oun kol laba his mishto an i yaka o baro rayestar. Oun yob kras kova yaake.

Ester 2:5

Oun an o zorelo kheer an Susa djivas i biboldo. Kova kharas Mordekay. Leskro dad his o Yayr, oun leskro papo his o Shimi. Koleskro dad his o Kish. Kova his i Benyaminari.