Ester 2:23 - O Debleskro Lab 2024 (Sinte-Manouche)

²³ Oun har dikan le palla, vas vin, te his kova čačo. Oun kol douy van ap o kasht bladedo. Oun o baro ray moukas kava koova dren te činell an o bershengro liil o themestar.

O Debleskro Drom 2021 (Sinte)

²³ Un har dikan le palla, was win, te his kowa tchatcho. Un kol dui wan ap o kasht bladedo. Un o baro rai mukas kau koowa dren te tchinell an o bershengro liil o themestar.

Ester 2:23 Iomraidhean Croise

1. Mose 40:19

An triin divessa moukell tout o baro ray dran o stilepen vin oun bladell tout ap i kasht. Oun i čirkle rhan tiro mass toutar krik.”

1. Mose 40:22

Oun o pralstounes pral o maro moukas yob te bladell ap i kasht, yaake har o Yosef lenge glan-vi penas.

Esra 4:15

Mouk pal te dikell an i familyakre lila tire phourendar, palle hatseh oun dikeh, kay kava foro pes pre hadas, oun pral vavar rayende oun themma doosh anas. Ninna an i phoure tsirya hadan pen i menshe an kava foro pre. Doleske vas kava foro ninna khetne maredo, oun kek bar ačas ap o vavar.

Ester 10:2

Ko tselo baro raylo koova, hoy lo kras oun leskri zoor pral kol boud themma, kova hi činlo an i familyakro liil kol bare rayendar pral o them Media oun Persia. Kote hi ninna činlo, har o baro ray o Mordekayes hadas oun bares kras,

Ester 5:14

Kote penas leskri romni Seresh oun leskre tsele mala ap leste: “Mouk i kasht pre te čivell, hoy hi i paash-sheel (50) moussya bares! Oun taysarlakro pen ap o baro rayeste, te moukell lo o Mordekayes ap ko kasht pre te bladell. Oun palle dja leha barhteles pash o rhapen.” Oun kol laba his o Hamaneske lačes, oun yob moukas savo kasht pre te čivell.

Ester 6:1

An koya rat nay sovas o baro ray gar, oun moukas peske glan te draverell dran o bershengro liil o themestar.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Maleachi 3:16

Koy rakran kolla mank pende, kay djivenn o baro Debleha. Oun o baro Devel das yak ap lengre laba oun shounas, hoy le penenn, oun moukas len an i liil dren te činell, te venn le gar bistedo. An kava liil hi kolla dren tardo, kay djivan leha, oun hadan leskro lab.

Josua 8:29

Oun o baro rayes o forestar Ai moukas lo ap i rouk pre te bladell. Bis ap i rat ačas yob ap i rouk. Oun har o kham tele djas, penas o Yosua, te lenn le ko moules o roukestar tele. Oun yon lan les tele oun vitsran les glan o foreskro baro voudar, oun čivan boud barra ap leste pre, hoy gomme kava dives koy hi.