Ester 2:14 - O Debleskro Lab 2024 (Sinte-Manouche)

¹⁴ Ap i rat djas li dren oun taysarlake djas li palle an i vavar djouvyengro kheer, tel i vasta ko pralstunestar, kay kharas Shaashgas. Kova das ap kol djouvyende yak, kay o baro rayeskre vavar djouvya his. Oun kek kol djouvyendar vas i douyto kopo pash o baro rayeste, kokres kolla, kay his shoukar an leskre yaka, oun kolen yob moukas pash pengro lab te kharell.

O Debleskro Drom 2021 (Sinte)

¹⁴ Ap i rat djas li dren un taissarlake djas li palle an i wawar djuwjengro kheer, tel i wasta ko pralstunestar, kai kharas Shaashgas. Kowa das ap kol djuwjende jak, kai o baro rajeskre wawar djuwja his. Un kek kol djuwjendar was i duito kopo pash o baro rajeste, kokres kolla, kai his shukar an leskre jaka, un kolen job mukas pash pengro lab te kharell.

Ester 2:14 Iomraidhean Croise

1. Mose 34:19

Oun ko terno morsh Sichem nashras kek tsiro, te krell lo kova. Yob kamas koy ča. Oun leskre tsele menshe an leskro dadeskro kheer shounan ap leste.

Ester 2:13

Oun palle djas yek čay pal i vavar pash o baro rayeste dren. Oun lauter, hoy kamas li peha te lell, hounte vas lat dino. Oun yoy vas dran o djouvyengro kheer an o baro rayeskro kheer anlo.

Ester 2:15

Ko tsiro vas, te djal i Ester pash o baro rayeste. Lakro dad his o Abihayil oun lakro kako o Mordekay, kay lat pash peste las, har vell li leskri čay. Oun yoy kamas či boudeder peha te lell, har o Hegay, ko pralstouno pral i djouvyende, lake penas. Oun an i yaka lauterendar, kay dikan lat, his li shoukar.

Ester 4:11

“I tsele pralstoune, kay o baro rayeske boudrenn, ninna i menshe an hako them, koles o baro ray hi, kolla prindjrenn ko činlo lab, te vell hako morsh oun haki djouvel maredo, kay djal dren pash o baro rayeste oun vell ap i platsa an leskro kheer, oun hi lestar gar kharedo. Kokres te lell o baro ray peskro sonakaskro raan oun sikrell ap leste, ačell lo djido. Me vom triyanda divessa bouder gar pash o baro rayeste dren kharedo.”

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 45:4

Me krom tiro lab bares, ninna te prindjral man gar, oun dom tout gole tiro labeha. Kova krom o Yakobeske, kay mange koy hi, ava, o Israeleske, koles mange vin rodom.

5. Mose 21:14

Te vell i tsiro, kay kamell lo lat bouder gar, hounte moukell lo lat te djal, kay li kamell. Yek koova hounte krell yob gar: Yob nay bikrell lat gar lovenge, oun nay rikrell lat gar, te vell li leskri boudepaskretsa! Yoy his leskri romni.