Ester 1:22 - O Debleskro Lab 2024 (Sinte-Manouche)

²² Oun bičras lila an i tsele themma, kay lo baro ray his. Hako liil his yaake činlo, har an ko them činlo vell, oun an ko rakepen, har kote rakedo vell, kay ko liil bičedo vas. Oun an ko liil vas penlo, te vell hako romes an peskro kheer o penepaske, oun te vell an hako kheer ko rakepen rakedo, hoy o rom rakrella.

O Debleskro Drom 2021 (Sinte)

²² Un bitchras lila an i tsele themma, kai lo baro rai his. Hako liil his jaake tchinlo, har an ko them tchinlo well, un an ko rakepen, har kote rakedo well, kai ko liil bitchedo was. Un an ko liil was penlo, te well hako romes an peskro kheer o penepaske, un te well an hako kheer ko rakepen rakedo, hoi o rom rakrella.

Ester 1:22 Iomraidhean Croise

Ester 1:21

Oun kal laba his mishto an o baro rayeskre yaka oun i yaka leskre pralstunendar. Oun o baro ray kras yaake, har o Memukan penas.

Ester 3:12

Ap o 13. (deesh-te-triinto) dives an o ersto čon van kol morsha kharedo, kay o baro rayeskre lila činenn. Oun kolla činan, hoy o Haman lenge penas, an lila ap i pralstunende ko themestar, ap i themeskre rayende oun i pralstunende pral hako them. Hako liil his yaake činlo, har an ko them činlo vas, oun an ko rakepen, har kote rakedo vas. An o lab o baro rayestar Ahasveros van kol lila činlo. Oun leskri goustyah vas leskro sikepen tel hako liil čiddo.

Ester 8:9

Yaake van kol morshen kharedo, kay o baro rayeskre lila činenn. Kova his an o triinto čon, – kova hi o čon Sivan – ap o biish-te-triinto dives. Oun i lila van yaake činlo, har o Mordekay penas: ap i biboldende, oun ap i pralstunende ko themestar, ap i themeskre rayende oun i pralstunende pral i tsele themma mank o pani Indus oun o pani Nil. Kolla his 127 (yek-sheel-te-biish-te-efta) themma. Oun činlo vas yaake har an hako them činlo vas, oun an o rakepen kol menshendar, kay kote djivan, oun ninna ap i bibolde yaake har yon činenn oun rakrenn.

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

Daniel 4:1

Me, o Neboukadnezar homs barhtelo an miro kheer, oun man his lauter, hoy kamom.

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

1. Timoteo 2:12

Me kamau gar, te penell i djouvel o Debleskro lab glan i morshende, vitar gar, te vell lat penepaske pral o morsheste. I djouvya rikrenn pen pale.