Ester 1:19 - O Debleskro Lab 2024 (Sinte-Manouche)

¹⁹ Te hi mishto an o baro rayeskre yaka, palle djal i lab vin lestar, te nay vell i Vasti bouder gar glan leste. Ko lab vell činlo an o čačepaskro liil ko themestar Persia oun Media, kay kek nay lell les bouder pale. Oun palle lell o baro ray i vavar čay, te vell li rani, – i čay, kay lačeder hi har i Vasti.

O Debleskro Drom 2021 (Sinte)

¹⁹ Te hi mishto an o baro rajeskre jaka, palle djal i lab win lestar, te nai well i Wasti buder gar glan leste. Ko lab well tchinlo an o tchatchepaskro liil ko themestar Persia un Media, kai kek nai lell les buder pale. Un palle lell o baro rai i wawar tchai, te well li rani, – i tchai, kai latcheder hi har i Wasti.

Ester 1:19 Iomraidhean Croise

1. Rajengro liil 3:28

Oun an o tselo them Israel shounan le ko čačo lab, hoy o baro ray hatsas. Oun yon dikan pre ap o baro rayeste, oun yon hayvan, kay o gosvepen o Deblestar an leste his, te nay dell lo i menshenge lengro čačepen.

Ester 1:18

Kava dives penenn i pralstunengre romya an o them Persia oun Media pengre romenge, hoy i rani kras. Oun yon dikenn bouder gar pre ap pengre romende. Oun kolla venn rhoyedo pral lende.

Ester 1:21

Oun kal laba his mishto an o baro rayeskre yaka oun i yaka leskre pralstunendar. Oun o baro ray kras yaake, har o Memukan penas.

Ester 2:1

Oun pal ko koova, har djas i rholi o baro rayestar Ahasveros pale, djas leske an o shero trouyel, hoy i Vasti kras, oun hoy lah kerdo vas.

Ester 3:9

Miro ray, te kameh, mouk i liil te činell, kay dren tardo hi, te venn le maredo. Oun me dau deesh-zerya kotar roup an i vasta i pralstunendar pral o rayeskro bravlepen.”

Ester 8:5

oun penas: “Miro baro ray, te hi mishto oun čačo glan tire yaka, oun te hal mange lačes oun dikeh kamles ap mande, palle le kol lila pale, hoy činas o Haman, koleskro dad o Hammedata hi dran o kheer Agag, an kolende činlo hi, te venn i bibolde maredo an hako them, kay tou baro ray hal.

Ester 8:8

Kanna činenn t'mer i vavar liil, hoy te vell i biboldenge, yaake har mishto hi an t'mare yaka! Činenn ko liil an miro lab oun čivenn miri goustyah miro sikepen koy pre! I liil, hoy an o lab o baro rayestar činlo vas oun ap koleste leskro sikepen hi, nay vell gar pale lino.”

Daniel 6:17

Kote moukas o baro ray o Danieles te anell, oun moukas les an i grouba dren te vitsrell pash i leve, oun penas ap leste: “Ko Devel, kones tou hako tsiro an-mangeh, kova te lell tout kanna koy vin!”

1. Samuel 15:28

Koy penas o Samuel ap leste: “Yaake har lal tou zoryah ko kotar than dran miri baya vin, yaake las o baro Devel peskre menshen Israel zoryah dran tiro vast vin, te vess tou bouder kek ray pral lende. Oun yob kras i vavares ray pral lende, yekes kay hi feteder har tou.