Ester 1:17 - O Debleskro Lab 2024 (Sinte-Manouche)

¹⁷ Kova, hoy i rani Vasti kras, shounenn i tsele djouvya, oun dikenn tele ap pengre romende oun penenn: O baro ray Ahasveros penas, te vell i rani Vasti glan leste. Oun yoy kamas gar.

O Debleskro Drom 2021 (Sinte)

¹⁷ Kowa, hoi i rani Wasti kras, shunenn i tsele djuwja, un dikenn tele ap pengre romende un penenn: O baro rai Ahasveros penas, te well i rani Wasti glan leste. Un joi kamas gar.

Ester 1:17 Iomraidhean Croise

2. Samuel 6:16

Oun har o Debleskro morhton an o Davideskro foro anlo vas, dikas i Mikal, kolakro dad o Saul his, dran i vorhni, oun dikas o baro rayes o David, har yob khelas oun stas glan o Debleste, oun an lakro dji dikas li tele ap leste.

Esra 4:6

Oun har o Ahasveros baro ray vas, an leskro ersto bersh, činan le i foullo liil pral i menshende dran o them Youda oun Yerusalem.

Ester 1:16

Koy penas o Memukan glan o baro rayeste oun glan i pralstunende: “Koy doosh, hoy i rani Vasti ap peste anas, hi gar kokres i doosh ap o baro rayeste, na-a, kaya hi i doosh ap i tsele pralstunende oun ap i tsele morshende an i tsele themma, kay o Ahasveros o baro ray hi.

Ester 1:18

Kava dives penenn i pralstunengre romya an o them Persia oun Media pengre romenge, hoy i rani kras. Oun yon dikenn bouder gar pre ap pengre romende. Oun kolla venn rhoyedo pral lende.

Efesarja 5:33

Ninna te hayvau me kava lab yaake, penell kava lab t'menge: Hakeno hounte vell yaake kamlo ap peskri romyate, har yob kamlo ap peste hi! Oun i romni hounte vell lačo ap peskro romeste!