Ester 1:13 - O Debleskro Lab 2024 (Sinte-Manouche)

¹³ Oun o baro ray rakras i goseve morshentsa, kay prindjran mishto o themeskro čačepen. Pash lende his yaake, kay o baro rayeskro koova hounte vell glan kolende, kay hayvan mishto o themeskro čačepen oun djinan, hoy te krenn.

O Debleskro Drom 2021 (Sinte)

¹³ Un o baro rai rakras i gosewe murshentsa, kai prindjran mishto o themeskro tchatchepen. Pash lende his jaake, kai o baro rajeskro koowa hunte well glan kolende, kai haiwan mishto o themeskro tchatchepen un djinan, hoi te krenn.

Ester 1:13 Iomraidhean Croise

1. Familjakro liil 12:32

Dran o paash kheer Manasse: 18.000 morsha, kolla van o labeha vin rodedo, te djan le koy, te krenn le o Davides o baro ray.

1. Familjakro liil 12:33

Dran o kheer Issakar, 200 pralstoune, kay dikan nay, hoy o Israel hounte krella, oun kaana o čačo tsiro koleske vas. Lengre tsele phrala shounan ap lengro lab.

Ester 1:12

Har penan kol efta morsha i ranyake Vasti, hoy o baro ray latar kamell, kamas li gar pash leste te vell. Kote tapras i bari rholi i baro rayes.

Jeremia 10:7

Hakeno hounte trashell toutar oun hounte hadell tout. Tou hal o baro ray pral i themma! Ap toute hounte shounenn le. Mashkral kol tsele gosevende oun bare rayende ap kay phoub hi kek yaake har tou hal.

Daniel 2:12

Kote vas o baro ray yaake rhoyedo, te penas lo, te venn i tsele sikle morsha maredo an o them Babilonia.

Daniel 2:2

Oun o baro ray moukas khetne te kharell i tsele dourkepangren oun dravepangren, kolen, kay bengeskro koova krenn oun kolen, kay an i bolepangre momlia draverenn. Yon hounte penan leske, hoy leskri souni kamell te penell. Oun yon van oun his tardo glan leste.

Daniel 2:27

Oun o Daniel penas ap o baro rayeste: “Kova, hoy tou kameh te djinell, miro ray, kova nay penell touke kek siklo, kek dravepaskro, kek dourkepaskro oun kek, kay nay draverell an i bolepangre momlia.

Daniel 5:7

Oun o baro ray das zoryah gole oun penas, te anenn le i dravepangren pash leste, ninna kolen, kay an i bolepangre momlia draverenn oun kolen, kay i moulen poučenn. Oun yob moukas kol siklenge dran o foro Babilon te penell: “Hakeno, kay nay draverella, hoy koy činlo hi, oun mange nay penella, hoy kova kharella, kova vell rido an rayengre lole koola, oun lell koy pashel i sonakaskri verkli troul peskri meen. Oun yob vell o triinto pralstouno an miro them.”

Mateo 16:3

Oun te hi o bolepen taysarlake lolo, penenn t'mer: Vella brishin! Yaake dikenn t'mer ap o bolepen, oun djinenn, hoy vella. Kova, hoy kanna mashkral t'mende djala, kova hayvenn t'mer gar.

Mateo 2:1

Ap ko tsiro, har vas o Yezous an o foro Betlehem an o them Youdea boldo, his o Herodes o baro ray pral o them. Koy van goseve morsha dran o them, kay o kham pre djala, oun djan an o foro Yerusalem. Yon poučan i menshendar an o foro Yerusalem: