Ester 1:12 - O Debleskro Lab 2024 (Sinte-Manouche)

¹² Har penan kol efta morsha i ranyake Vasti, hoy o baro ray latar kamell, kamas li gar pash leste te vell. Kote tapras i bari rholi i baro rayes.

O Debleskro Drom 2021 (Sinte)

¹² Har penan kol efta mursha i ranjake Wasti, hoi o baro rai latar kamell, kamas li gar pash leste te well. Kote tapras i bari choli i baro rajes.

Ester 1:12 Iomraidhean Croise

1. Mose 3:16

Ap i romyate penas o Devel: “Me kamau touke phares te krell, te veh an vavar koova. Doukentsa aneh tou čaven ap i phoub. Oun tiro dji dell gole pal tiro romeste. Yob hi pral toute o ray.”

Ester 1:13

Oun o baro ray rakras i goseve morshentsa, kay prindjran mishto o themeskro čačepen. Pash lende his yaake, kay o baro rayeskro koova hounte vell glan kolende, kay hayvan mishto o themeskro čačepen oun djinan, hoy te krenn.

Ester 7:7

Oun o baro ray stas rhoyedo pre kotar, kay le mool khetne piyan. Oun djas vin an i baar pash peskro kheer. Oun o Haman ačas pash i ranyate Ester, te mangell lo latar peskro djipen. Yob dikas koy bibarht, hoy pral leste vell, hoy o baro ray peske glan las.

Debleskri gili 74:1

Givede laba o Asafestar. Maro Devel, hoske čival tou men pale hako tsireske? Hoske hal tou yaake rhoyedo pral mende? Tou hal maro bakrengro, oun mer ham tire bakre!

Debleskri gili 79:5

Baro Devel, har rah ačell tiri rholi ap mende? Har rah rhačrell li har i yag?

2. Mose 32:19

Har vas o Mose pash i menshende, oun dikas ko terno gouroum, oun har i menshe khelan, vas an leste i bari rholi. Yob vitsras kol barra dran peskre vasta oun phagas len an kotya tella pash i berga.

2. Mose 32:22

O Aron penas: “Am gar rhoyedo, mo ray! Tou djineh kokres, kay kol menshe čilačo hi.

Gosewe laba 19:12

Har koy gole, hoy i levo dell, hi i rholi o baro rayestar. Oun leskro lačepen hi har o brishin ap i phoub, hoy krell lat pale sapeno.

Gosewe laba 20:2

I baro ray, te dell lo trad, palle hi kova, har te dell i levo gole. Kova, kay leskri rholi ap peste tserdell, nashrell peskro djipen.

Daniel 2:12

Kote vas o baro ray yaake rhoyedo, te penas lo, te venn i tsele sikle morsha maredo an o them Babilonia.

Daniel 3:13

Oun i bari rholi tapras o Neboukadnezar. Oun yob penas, te anenn le kol triin morshen glan leste. Oun i morsha van glan leste anlo.

Daniel 3:19

Kote vas o Neboukadnezar yaake pherdi rholi, te vas leskro mouy lolo i rholyatar pral o Shadrak, o Meshak oun o Abed-Nego. Oun yob penas zoreles, te vell o bob efta kope yaake tateder kerdo, har glan ko tsiro.

Nahum 1:6

Koon nay ačell tardo glan leskri rholi? Koon nay ačell djido, te vell lo rhoyedo? Leskri rholi rhačell har i yag. Ninna i berge phagenn an kotya glan leste.

Efesarja 5:22

T'mer djouvya, ma hadenn t'men pral t'mare romende! Yaake sikrenn t'mer, kay hi o Yezous Kristo t'maro ray.

Efesarja 5:24

Yaake har kol tsele patsle ap o Yezous Kristeste shounenna, yaake hounte shounenn ninna i romya ap pengre romende an hako koova.

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

1. Petro 3:1

T'mer djouvya, ma hadenn t'men pral t'mare romende, ninna te shounenn yon gar ap o Debleskro lab! Yaake dikenn yon, har t'mer i djoudjo djipen djivenna, oun ap o Debleste shounenna. Oun t'maro djipen sikrell len o čačo drom pash o Debleste, ninna te krenn t'mer kek bare laba.