Ester 1:10 - O Debleskro Lab 2024 (Sinte-Manouche)

^10-11 Oun ap o eftato dives his o baro rayeskro dji barhteles boud molyatar. Oun yob kamas i rayenge oun i tsele menshenge peskri romyat, i rani Vasti, te sikrell, kay yaake shoukar his. Oun yob rakras kol efta pralstunentsa, kay ninna pral o djouvyengro kheer penepaske hi: o Mehouman, o Biseta, o Harbona, o Bigta, o Abagta, o Setar oun o Karkas. Lenge penas lo, te anenn le i rani, oun te hidjrell li peskro shereskro sonakay.

O Debleskro Drom 2021 (Sinte)

^10-11 Un ap o eftato diwes his o baro rajeskro dji bachteles bud moljatar. Un job kamas i rajenge un i tsele menshenge peskri romjat, i rani Wasti, te sikrell, kai jaake shukar his. Un job rakras kol efta pralstunentsa, kai ninna pral o djuwjengro kheer penepaske hi: o Mehuman, o Biseta, o Harbona, o Bigta, o Abagta, o Setar un o Karkas. Lenge penas lo, te anenn le i rani, un te hidjrell li peskro shereskro sonakai.

Ester 1:10 Iomraidhean Croise

1. Mose 43:34

O Yosef moukas leskro rhapastar peskre phralenge te anell. Oun ko rhapen, hoy moukas yob o Benyamineske te anell, his panč kope yaake boud, har o rhapen leskre vavar phralenge. Oun yon rhan oun piyan oun van barhtelo leha.

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

Ester 1:9

Oun ninna i rani Vasti kras i baro rhapen i djouvyenge an o raylo kheer o baro rayestar Ahasveros.

Ester 3:15

Oun kol naashepangre djan sik vin, yaake har o baro ray penas. Oun an o zorelo kheer an o foro Susa vas ko liil kote ap i kasht dino, kay nay dikell les hakeno. Oun o baro ray oun o Haman beshan pen tele, te rhan oun piyenn le. O tselo fores Susa tapras i daar.

Ester 7:9

Oun yek o pralstunendar, o Harbona, penas: “Ake, kote pash o Hamaneskro kheer hi o kasht tardo, hoy hi i paash-sheel moussya baro, koles o Haman moukas pre te čivell o Mordekayeske. Kava hi ko morsh, kay o baro rayeske penas, kay morshen glan his, te marenn le les.” Kote penas o baro ray: “Bladenn les koy pre!”

Gosewe laba 20:1

Te piyeh i zorelo pipen, veh divyo oun saneh pral lautereske. Kova, kay yaake boud piyell, te vell lo mato, koles hi kek gosvepen.

Gosewe laba 31:4

Ma pi tout mates! Mool oun rhačedo pipen hi či bare rayenge oun pralstunenge.

Sikepaskro 10:19

Kones rhapen hi, nay sal. Koon mool piyell, nay givell. I loventsa nay vell tout kova halauter.

Čačepangre 16:25

Oun har lengre djia barhteles his, penan le: “Anas mer o Simsones kay! Yob krell menge dinelo koova, te nay sanas pral leste!” Oun yon lan o Simsones dran o stilepen. Oun yob hounte kras dinelo koova, te nay san le pral leste. Oun yon čivan les kote, kay serves oun čačes lestar bare barra yek ap o vavareste pre-čidde his, te hidjrenn le o kheer.

Čačepangre 19:6

Oun kol douy beshan pen oun rhan oun piyan khetne. Oun o dad koy terni djouvyatar penas ap ko morsheste: “Kre mange ko lačepen, oun ač kay pral i rat, oun mouk tiro dji barhteles te vell.”

Ruth 3:7

Oun har o Boas rhas oun piyas oun leskro dji barhteles his, djas lo kote, kay o vi-dino djob čiddo hi, oun čivas pes koy pal tele. Oun čorrhanes vas i Ruth pash leste, oun čakras leskre pire pre, oun čivas pes pash leskre pire tele.