Esra 5:3 - O Debleskro Lab 2024 (Sinte-Manouche)

³ An ko tsiro van morsha pash lende: o Tattenay, ko his o pralstouno pral o them ap i vavar rig o panyestar Eufrat, oun o Shetar-Bosnay oun lengre mala oun penan: “Koon penas t'menge, te čivenn kava kheer pale pre oun te krenn kal massurya pale nevo?”

O Debleskro Drom 2021 (Sinte)

³ An ko tsiro wan mursha pash lende: o Tattenai, ko his o pralstuno pral o them ap i wawar rig o panjestar Eufrat, un o Shetar-Bosnai un lengre mala un penan: “Koon penas tumenge, te tchiwenn kau kheer pale pre un te krenn kal massurja pale newo?”

Esra 5:3 Iomraidhean Croise

Esra 1:3

Koon kanna mank t'mende leskre menshendar hi, koleha te vell peskro Devel! Oun yob nay djal pral an o foro Yerusalem an o them Youda, oun nay čivell o baro Debleskro kheer pre! Kova hi o Israeleskro Devel. Oun yob rodas peske o foro Yerusalem vin, te vell lo kote an-mangedo.

Esra 4:12

oun kamah touke te penell, kay i bibolde, kolla kay dran tiro them kay pral pash mende van, kolla hi kanna an o foro Yerusalem oun kamenn ko foro pale pre te čivell, ko foro, kolestar i menshe yaake divyo oun čilačo hi. Yon čivenn bar ap bar, te venn i massurya ko forestar kerdo. I telstoune barra hi pale neves čiddo.

Esra 4:9

Mer, o pralstouno Rehoum oun o činepaskro, o Shimshay, oun kolla vavar halauter, i čačepangre morsha, i bare lourde, i činepangre, oun i vavar pralstoune, oun i morsha dran Erek, dran Babilon, oun dran Susa, kolla hi i Elamarya,

Esra 5:6

Kava hi ko tele činlo liil, hoy vas bičedo ap o rayeste Darius. Kava liil moukas o Tattenay te činell khetne o morsheha Shetar-Bosnay oun lengre malentsa, kol čačepangre an o them, kay ap i vavar rig o panyestar Eufrat his.

Esra 5:9

Kote poučam mer palle lengre pralstunendar: Koon penas t'menge, te krenn kava kheer oun te čivenn kal massurya pale pre?

Esra 6:13

Kote kras o Tattenay, ko pralstouno pral o them ap i vavar rig o panyestar Eufrat, oun o Shetar-Bosnay oun kol morsha, kay pash lende his, pal hako lab, hoy lenge o ray Darius penas.

Esra 6:6

Ap o Tattenay, ko pralstuneste pral o them ap i vavar rig o panyestar Eufrat, oun ap o Shetar-Bosnay, oun t'mare tsele malenge, kol čačepangre morsha, penau me: Rikrenn t'men pale kava kovestar!

Esra 7:21

Me, o ray Artaxerxes, penom ap halauterende, kay an o them vergel o panyestar Yordan ap i khera garda denn, kay miro bravlepen dren hi: Halauter, hoy mangell t'mendar o Esra, ko rashay oun sikepaskro kol labendar o bolepaskro Deblestar, kova denn les sik;

Haggai 1:1

An o douyto bersh, har o Darius o baro ray his, ap o ersto dives an o shobto čon, penas o baro Devel laba ap peskro rakepaskro, o Haggay, te penell yob kal laba doureder ap o Zorobabel, koleskro dad o Shealtiel his, oun ap o Yeshoua, koleskro dad o Yozadak his. O Zorobabel his o pralstouno pral o them Youda, oun o Yeshoua his o baro rashay.

Mateo 21:23

Oun har o Yezous an o Debleskro baro kheer vas, ap i menshende rakras, oun len o Debleskro drom sikras, koy van i bare rashaya oun i biboldengre phoureder pash leste, oun poučan lestar: “Koon penas touke, te kress tou kova lauter? Koon bičras tout?”

Bičepangre 4:7

Oun yon moukan o Yezouseskre bičepangren glan pende te anell, oun yon poučan lendar: “An koneskri zoor oun an koneskro lab kran t'mer kova?”