Esra 4:4 - O Debleskro Lab 2024 (Sinte-Manouche)

⁴ Kote kran kol vavar menshe, kay djivan ninna an o them, i biboldenge o djipen phares. Oun yon kaman len daar te krell, te boudrenn le bouder gar doureder ap o Debleskro kheer.

O Debleskro Drom 2021 (Sinte)

⁴ Kote kran kol wawar menshe, kai djiwan ninna an o them, i biboldenge o djipen phares. Un jon kaman len daar te krell, te budrenn le buder gar dureder ap o Debleskro kheer.

Esra 4:4 Iomraidhean Croise

2. Samuel 4:1

Har shounas o Sauleskro čavo, o Ish-Boshet, kay o Abner an o foro Hebron maredo vas, peras leskro dji an peskre rholopya, oun ap o tselo Israel vas traash.

Esra 3:3

Oun ninna te hi len daar i vavar menshendar an o them, čivan le i sasterni rhačepaskri pre ap peskri phouri platsa, oun anan kote firhen o baro Debleske, oun rhačran len koy pre. Kova kran le taysarlake oun ratsyake.

Esra 4:5

Oun yon dan kolende love, kay boudran o baro rayeske, te rikrenn yon kova pre, hoy i bibolde penge glan lan. Kova kran le yaake rah, har o Cyrus o baro ray pral o them Persia his, oun gomme an ko tsiro, kay o Darius o baro ray pral o them Persia his.

Nehemia 4:11

kay ap i massouri boudran. Oun kolla kay i čik krik hidjrenn, boudran yaake: Koy yek vasteha boudran le, oun an o vavar vast rikran le pengro vitsepaskro čouri.

Nehemia 4:2

Oun yon čivan pen khetne, te djan le ap o foro Yerusalem, oun te krenn le i menshen kote yaake divyo, te djinell kek bouder, hoy te krell lo.

Nehemia 6:9

Yon lauter kaman menge daar te krell, te boudras gar doureder, te vell i massouri gar kerdo. Doleske krom mire vasta zorleder.

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Daniel 10:13

Oun o bolepaskro, kay ray hi pral o them Persia čivas pes mange an o drom 21 (biish-te-yek) divessa. Oun yek kol glanstunendar mank i bolepangre, o Mikael, vas ap miri rig, har homs kote pash i rayende pral o them Persia.

Daniel 10:20

Kote penas lo mange: “Hayval tou, hoske me pash toute vom? Me kamau toute te sikrell, hoy an ko liil činlo hi, kay o Debleskro čačepen dren tardo hi. Pal kova hounte kourap man o bolepaskreha, kay hi o ray pral o them Persia, oun palle koleha, kay hi o ray pral o grichtikro them. Oun kek hi koy, kay vell ap miri rig an o kourepen lentsa, kokres o bolepaskro Mikael, kay t'mare menshenge koy hi.