Esra 4:1 - O Debleskro Lab 2024 (Sinte-Manouche)

¹ I vavar menshe an o them, kolla, kay kaman gar i bibolden dran i khera Youda oun Benyamin, yon shounan, te krenn kolla, kay van pale pale dran o them Babilonia, i nevo kheer o baro Debleske, kay o Israeleskro Devel hi.

O Debleskro Drom 2021 (Sinte)

¹ I wawar menshe an o them, kolla, kai kaman gar i bibolden dran i khera Juda un Benjamin, jon shunan, te krenn kolla, kai wan pale pale dran o them Babilonia, i newo kheer o baro Debleske, kai o Israeleskro Dewel hi.

Esra 4:1 Iomraidhean Croise

Esra 1:11

Kol tsele koola dran sonakay oun roup his khetne 5.400 (panč-zerya-star-sheel). Halauter anas o Sheshbazar pral an o foro Yerusalem. Oun pash leste his kol tsele menshe, kay van krik anlo an o them Babilonia, oun djan kanna leha pale an o foro Yerusalem.

Esra 10:16

Kolla vavar halauter, kay van vin dran o pandepen an o them Babilonia, rikran pen ap kova, hoy le penan. Oun o rashay Esra kharas dran haki bari familya lengro pralstounes peskro labeha. Oun čivas kol pralstunen ap i rig, te dell lo kava koova an lengre vasta. Oun kolla beshan pen khetne ap o ersto dives an o deshto čon, te dikenn le, hoy kerdo hounte vals pash hako morsheste,

Esra 10:7

Oun an o them Youda oun an o foro Yerusalem vas vin kharedo halauterenge, kay pandle his an o them Babilonia: “Avenn khetne an o foro Yerusalem.

Esra 3:13

Oun kek djinas, hoy zorleder hi, koy gole i barhtyatar oder ko zorelo ropen; i menshe dan yaake bares gole, te vas kova dour shounlo.

Esra 6:16

Oun i Israelitarya, i rashaya, i Levitarya oun kolla vavar, kay van dran o pandepen pale pale, rikran kol bare divessa i barhtele djiyentsa, kay dan le o Debleskro nevo kheer an leskre vasta.

Esra 7:9

Ap o ersto dives an o ersto čon kran le pen ap o drom, oun ap o ersto dives an o pančto čon van le an o foro Yerusalem. O Debleskro kamlo vast his pral leste.

Daniel 5:13

Oun o Daniel vas glan o baro rayeste anlo. Oun o baro ray poučas lestar: “Hal tou o Daniel, yek kolendar, kay o baro ray, miro dad, pandles dran o them Youda peha anas?

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.

1. Korintarja 16:9

Kate nay boudrau me mishto o Debleske, ninna te hi kate boud menshe, kay krenn mange miri boudi phares.