Esra 3:1 - O Debleskro Lab 2024 (Sinte-Manouche)

¹ Oun har o 7. (eftato) čon vas oun i Israelitarya an pengre forya his, van i tsele menshe har yek morsh khetne an o foro Yerusalem.

O Debleskro Drom 2021 (Sinte)

¹ Un har o 7. (eftato) tchon was un i Israelitarja an pengre forja his, wan i tsele menshe har jek mursh khetne an o foro Jerusalem.

Esra 3:1 Iomraidhean Croise

Nehemia 7:72

Oun lauter djan an pengre forya, te djivenn le kote: I rashaya oun i Levitarya, kolla, kay ap o foreskre voudya yak dan, i gipangre, vavar menshe, kolla kay an o Debleskro kheer boudran, oun i tsele Israelitarya.

Nehemia 8:1

Oun har o eftato čon vas, oun i Israelitarya pale an pengre forya his, van i tsele menshe khetne har yek morsh ap i platsa glan o Panyeskro Voudar. Oun yon penan ap o Esra, te anell yob o Moseskro liil, kay dren tardo hi, hoy o baro Devel penas, hoy i Israelitarya hounte krenn oun rikrenn. O Esra his i sikepaskro, kay prindjras mishto o Debleskro lab.

Nehemia 8:14

Oun an ko liil hatsan le kol laba, kay penas o baro Devel ap o Moseste, te hounte rikrenn i Israelitarya kol bare divessa, kay kharenn Patyengre Khera an o eftato čon. Oun an kol divessa hounte djivenn le an tikne khera, hoy yon penge dran patria krenn.

3. Mose 16:29

Kava lauter hounte vell kerdo ap o deshto dives an o eftato čon. Oun yaake hounte krenn t'mer hako tsireske. Ma rhan ap ko dives! Ma krenn i boudi, t'mer gar oun vitar gar i vi-themarya, kay mank t'mende djivenn.

3. Mose 23:24

Pen ap i Israelitarya: Ko ersto dives an o eftato čon hounte vell t'men savo dives, kay boudrenn gar. Ap ko dives phourdenn an i phourdepangre, oun avenn khetne glan o baro Debleste.

Zefanja 3:9

Pal kova dau i menshen an i vavar themma djoudje mouya, te kharenn le halauter o baro Debleskro lab an, oun mangenn les khetne an.

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 4:32

Kol tsele patslen his yek dji oun yek djipen. Kek lendar penas: Ko bravlepen, hoy man hi, hi mange kokres. Na-a, kova his lauterenge koy!

1. Korintarja 1:10

Mire phrala, me shounom, kay hi čingepen mashkral t'mende. Kova penan mange kolla dran i familya koy djouvyatar Kloe. Kanna mangau t'men an o lab maro rayestar, o Yezous Kristestar: Ma čingrenn t'men bouder! Ačenn khetne oun rikrenn khetne an kova, hoy t'mer krenna oun patsenna!

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.