Esra 2:1 - O Debleskro Lab 2024 (Sinte-Manouche)

¹ Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

O Debleskro Drom 2021 (Sinte)

¹ Kalla hi kol menshe, kai an o them Juda djiwenn. Kolla wan pale dran o pandepen, kai o baro rai pral Babilonia, o Nebukadnezar, len krik anas. Kolla wan pale pale an o foro Jerusalem un an o them Juda, hakeno an peskro foro.

Esra 2:1 Iomraidhean Croise

2. Rajengro liil 25:11

Oun kol menshen, kay pral ačan an o foro Yerusalem, anas o Nebousaradan pandles krik an o them Babilonia, ninna kolla, kay dan pen an o vast o baro rayestar pral o them Babilonia, khetne kolentsa, kay pral ačan kol boudendar, kay glan i tsiro koy djivan.

1. Familjakro liil 9:1

Oun i tsele Israelitarya van pengro labeha dren činlo an familyengre lila. Kal lila hi khetne lino an o liil i bare rayendar pral Israel. Oun i menshe dran o them Youda moukan pengro Debles oun van doleske pandles anlo an o them Babilonia.

1. Familjakro liil 9:2

Oun mank kol erste menshe, kay pale van, oun pale an pengro them oun pengre forya djivan, his Israelitarya, rashaya, Levitarya oun save, kay boudran an o Debleskro kheer.

Esra 1:11

Kol tsele koola dran sonakay oun roup his khetne 5.400 (panč-zerya-star-sheel). Halauter anas o Sheshbazar pral an o foro Yerusalem. Oun pash leste his kol tsele menshe, kay van krik anlo an o them Babilonia, oun djan kanna leha pale an o foro Yerusalem.

Esra 2:2

Yon van khetne kol morshentsa: O Zorobabel, o Yeshoua, o Nehemya, o Seraya, o Reelaya, o Mordokay, o Bilshan, o Misperet, o Bigvay, o Rehoum oun o Baana. Kolla hi i laba kol familyendar, kay van pale an Israel oun kitse morsha an lende his:

Esra 2:70

Oun mank lende, kay an o foro Yerusalem djivan, his i rashaya, oun i Levitarya. I gipangre oun kolla, kay yak dan ap o foreskre voudya, ninna kolla, kay boudran an o Debleskro kheer, yon djan an penge forya oun djivan kote. Ninna kol tsele vavar Israelitarya djivan hakeno an peskro foro.

Esra 5:8

Mer kamah touke te penell, kay mer nasham an o them Youda, pash o kheer o baro Deblestar. Ko kheer vell bare barrentsa kerdo. Oun kasht vell an i massurya dren čiddo. Oun i boudi vell mishto kerdo, oun djal an lengro vast sik doureder.

Esra 6:2

Koy vas i liil hatslo an o foro Ekbatana an o them Media. Ap ko liil his činlo: Laba, hoy hounte venn gar bistedo:

Esra 8:35

Oun kol menshe, kay van pale dran o pandepen, anan firhen o Israeleskro Debleske, oun maran len leske: 12 (deesh-te-douy) terne gourma i tsele menshenge an Israel, 96 (enya-deesh-te-shob) morsh bakre, 77 (efta-deesh-te-efta) terne bakre. Ninna anan le 12 (deesh-te-douy) morsh bouzya, kay van maredo, te vell i doosh i menshendar krik lino. Oun kol tsele firhe van pre rhačedo o baro Debleske.

Nehemia 12:1

Oun kalla hi i rashaya oun i Levitarya, kay van pale dran o pandepen khetne kol douy morshentsa, o Zorobabel, koleskro dad o Shealtiel his, oun o Yeshoua: o Seraya, o Yirmeya, o Esra,

Ester 1:1

His an ko tsiro, har o Ahasveros o baro ray his pral 127 (yek-sheel-te-biish-te-efta) themma, hoy djan o themestar India bis pash o them Etiopia.

Ester 1:3

Har yob o triinto bersh o baro ray his, kras yob i baro festo i tsele pralstunenge oun barenge: kolenge, kay his pralstoune pral kol boud lourdende an i themma Persia oun Media, ninna kol bravelenge oun themeskre rayenge dran peskre tsele themma.

Ester 1:8

Yob penas i pralstunenge pral peskro kheer, te nay piyell hakeno yaake boud har yob kamella. Doleske penas kek o vavareske, har boud te piyell lo.

Ester 8:9

Yaake van kol morshen kharedo, kay o baro rayeskre lila činenn. Kova his an o triinto čon, – kova hi o čon Sivan – ap o biish-te-triinto dives. Oun i lila van yaake činlo, har o Mordekay penas: ap i biboldende, oun ap i pralstunende ko themestar, ap i themeskre rayende oun i pralstunende pral i tsele themma mank o pani Indus oun o pani Nil. Kolla his 127 (yek-sheel-te-biish-te-efta) themma. Oun činlo vas yaake har an hako them činlo vas, oun an o rakepen kol menshendar, kay kote djivan, oun ninna ap i bibolde yaake har yon činenn oun rakrenn.

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jeremia 50:19

O Israel anau me pale khere, te djivenn le pale ap i berga Karmel oun an o them Bashan, oun hatsenn doha rhapen, oun venn čalo ap i berge Efrayim oun an o them Gilead.

Ropaskre gilja 1:3

I menshe dran Youda hi pandle boudepangre, hounte boudrenn tel dava, oun djivenn an vavar themma. Ninna kote hounte vell len daar. Halauter, kay len palla lenn, venna oun rikrenn pengro vast ap lengri meen.

Ropaskre gilja 1:5

Kolla, kay kamenn o foreske čilačepen te krell, len hi kanna penepaske pral leste, oun lenge djal mishto. O baro Devel anas koy bibarht pral o foro te dell lo les i phagi leskri boud doshake. Oun kolla, kay lan o foro dren, lan i čaven pandles, oun tradan len glan pende vin dran o them.

Ropaskre gilja 4:22

T'mer an o foro Sion, palle hi t'mari doosh t'mendar krik lino! O baro Devel moukell t'men bouder gar pandles krik te anell. Palle anell yob t'mari doosh, t'mer Edomarya, ap t'mare sherya pale, oun čakrell ko čilačo koova pre, hoy kran.

Zefanja 2:7

Kava kotar them pash o baro pani vell kolende dino, kay ačan djido dran o kheer Youda. Yon moukenn pengre bakre kote te rhal. Oun rati sovenn le an kol khera an o foro Ashkelon. Ava, lengro baro Devel krell peskro dji lenge pre, oun anell len dran lengro pandepen pale vin.

Bičepangre 23:34

O Felix draveras ko liil, oun poučas o Paulestar dran havo them yob hi. Oun har yob shounas, kay o Paulo dran o them Cilicia hi, penas yob ap leste: