Esra 1:2 - O Debleskro Lab 2024 (Sinte-Manouche)

² Yaake rakrell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda.

O Debleskro Drom 2021 (Sinte)

² Jaake rakrell o Kirus, ko rai pral o them Persia: O baro Dewel an o bolepen das man i tsele themma ap kai phub. Un job penas mange, te krap leske i kheer an o foro Jerusalem an o them Juda.

Esra 1:2 Iomraidhean Croise

1. Rajengro liil 8:27

Nay vell čačo, kay o Devel kamell te djivell ap i phoub? O tselo bolepen hi gar bares doha leske. Har nay krals kova kava kheer, hoy me moukom te krell?

2. Familjakro liil 2:12

Kanna bičrau touke i morshes, koles i lačo vast hi, oun peskri boudi mishto hayvell. Leskro lab hi Houram-Abi.

Esra 1:5

Kote kran le pen ap o drom, te čivenn le o baro Debleskro kheer pale pre an o foro Yerusalem. Kolla, kay djan, his i pralstoune pengre familyendar dran Youda oun Benyamin, ninna i rashaya oun i Levitarya, halauter kolla, kolenge o Devel o dji pre kras, te djan le kote.

Esra 3:7

Oun yon dan love kol morshen, kay boudrenn i barrentsa oun kol morshen, kay boudrenn o kashtentsa. Ninna dan le rhapen oun pipen oun djet kol morshen dran Sidon oun Tirus, te nay anenn le Cedertikro kasht dran o Libanon pral o baro pani an ko foro Yafo. Kova lauter kran le yaake har les lenge o Cyrus, ko ray pral Persia penas.

Esra 4:3

Kote penan lenge o Zorobabel oun o Yeshoua oun i familyengre pralstune: “Kova hi gar mishto, te krenn t'mer oun mer khetne o Debleskro kheer. Mer kokres kamah o kheer te krell o baro Debleske, kay o Israeleskro Devel hi. Kova penas menge yaake o baro ray pral o them Persia, o Cyrus.”

Esra 5:15

oun penas ap leste: Le kal tsele kotya touha, oun dja an o foro Yerusalem, oun an len kote an o Debleskro kheer! Oun o Debleskro kheer hounte vell pre-čiddo kote, kay lo tardo his.

Esra 6:10

Palle nay rhačrenn le kol firhen yaake o bolepaskro Debleske, te dikell lo lačes ap lende, oun yon nay mangenn lestar lačepen mange, miro djipen oun koleske mire čavendar.

Esra 6:3

An o ersto bersh, kay o Cyrus baro ray vas, moukas lo te penell: O Debleskro kheer an o foro Yerusalem hounte vell pale pre-čiddo, yaake te vell lo i platsa, kay venn firhe anlo oun pre rhačedo o Debleske. Oun i massurya hounte venn neves kerdo. O kheer hounte vell triyanda metarya bares, oun triyanda metarya bourhles,

Esra 7:12

Me, o Artaxerxes, o ray pral i tsele raya, penau ap o Esra, ko rashay oun sikepaskro i labendar ko Deblestar, kay an o bolepen hi. Boud barht touke!

Nehemia 1:4

Oun har me kol laba shounom, beshom man koy oun rovom an bari douk boudeder divessa. Oun me rhom či, oun mangom o Debles an o bolepen,

Nehemia 1:5

oun penom: “Ah, baro Devel, tou hal o Devel an o bolepen, oun hal baro oun yaake zorelo, te daras hounte toutar. Tou rikreh koy sovel, hoy tou mentsa kral, oun dikeh lačes ap kolende, kay kamenn tout o djiyestar oun shounenn ap tire laba.

Debleskri gili 136:26

Sharenn o Debles pral o bolepen! Leskro lačepen ačella hako tsireske!

Debleskri gili 85:2

Baro Devel, tout his i dji tiro themeske, oun lal o Yakobeskre pandle menshen vin dran i čilače vasta.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Jesaja 41:2

Koon das i rayes gole, te vell lo foun kotar, kay o kham pre djal? Ko ray hi zorleder har i vavar, kay lo ninna djal. O Devel dell leste i vavar themma tel leskre herya, oun krell, te perenn lengre bare raya glan leste tele. Oun leskro rharo tradell len krik har patria. Oun glan leskro bogo hi le har phouss, hoy i dourho krik phourdell.

Jesaja 44:26

Me krau, te venn kol laba čačo, hoy miro boudepaskro rakras. Oun kova, hoy mire bičepangre glan-vi penan, moukau yaake te djal, har le les penan. Me hom kova, kay ap o foro Yerusalem penell: “Mou djivenn menshe an toute!” Oun pral i forya an o them Youda penau: “Yon venn pale pre tardo.” Lauter hoy khetne phagedo hi, čivau me pale pre tardo!

Jesaja 44:28

Me hom kova, hoy ap o Cyrus penell: “Tou dess garda ap mire menshende har i bakrengro ap peskre bakre.” Oun yob krell lauter, hoy kamau, te krell lo. Pral o foro Yerusalem penell lo: “Čivenn les pale pre!” Oun pral o Debleskro baro kheer penell lo: “Čivenn leskre barra pale pre!”

Jesaja 45:1

Kava penell o baro Devel ap o Cyrus, koles yob vin rodas, te vell lo baro ray: Me taprom tiro čačo vast, te vitsrap vavar themma tel tire herya, oun te lap i rhare lengre bare rayendar krik, te venn voudya pre kerdo glan toute, te ačenn foreskre voudya gar pandlo glan toute.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Jeremia 10:11

Pen lenge: Kol deblenge, kay kran gar o bolepen, vitar gar i phoub, hi kek platsa ap kay phoub oun tel o bolepen, oun nay ačenn gar.

Jeremia 27:5

Miri bari zoryah krom kay phoub oun i menshen oun firhen, kay ap i phoub hi. Oun me dau len, koneste kamau.

Jeremia 29:10

Kova penell o baro Devel: Ap ko tsiro, kay hi i Babilonarya efta-deesh bersha i raya pral t'mende, dikau me pale ap t'mende, te rikrap miro lačo lab oun anau t'men pale khere.

Daniel 1:21

Oun o Daniel ačas pralstouno bis an o ersto bersh, kay o Cyrus baro ray his.

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

Daniel 2:28

Kanna djin, an o bolepen hi i Devel, kova nay sikrell, hoy khatedo hi. Oun yob moukell o baro rayes Neboukadnezares te djinell, hoy vella an kol tsirya, kay venna. Ake kova, hoy souni dal oun ko dikepen, hoy dikal, har soval:

Daniel 4:25

Oun lauter vas yaake pral o baro rayeste, o Neboukadnezar.

Daniel 4:32

Kolla, kay ap i phoub djivenna, hi har či glan leste. Oun har yob kamella, djal yob kol pralstunentsa trouyel, kay an o bolepen hi, oun ninna kolentsa, kay ap i phoub djivenna. Oun kek nay penell leske: Kova hounte kress tou gar! Vitar kek nay poučell lestar: Hoy kreh tou kate?

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

Daniel 6:25

Oun o baro ray moukas kol morshen glan peste te anell, kay kova ap o Daniel pre anan. Oun yob moukas len an i grouba te vitsrell pash i leve, len oun lengre čaven oun romyen ninna. Oun har yon gomme gar ap i phoub tele van, tapran i leve len, oun phagan lengre kokale.

Jona 1:9

Oun yob penas ap lende: “Me hom i Hebreari oun mangau o baro Debles an, ko Devel pral o bolepen, kova kay kras o baro pani oun ninna o them.”