Esra 1:1 - O Debleskro Lab 2024 (Sinte-Manouche)

¹ An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun kova i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilendar halauterenge te penell:

O Debleskro Drom 2021 (Sinte)

¹ An o ersto bersh, kai o Kirus o baro rai pral o them Persia his, kras o baro Dewel, te was ko lab tchatcho, hoi lo ap o Jeremia rakras, un kowa i menshenge dureder penas. O baro Dewel das o baro rajeske, o Kirus an o dji, te mukell lo an peskro tselo them win te kharell un i lilendar halauterenge te penell:

Esra 1:1 Iomraidhean Croise

Esra 1:5

Kote kran le pen ap o drom, te čivenn le o baro Debleskro kheer pale pre an o foro Yerusalem. Kolla, kay djan, his i pralstoune pengre familyendar dran Youda oun Benyamin, ninna i rashaya oun i Levitarya, halauter kolla, kolenge o Devel o dji pre kras, te djan le kote.

Esra 4:3

Kote penan lenge o Zorobabel oun o Yeshoua oun i familyengre pralstune: “Kova hi gar mishto, te krenn t'mer oun mer khetne o Debleskro kheer. Mer kokres kamah o kheer te krell o baro Debleske, kay o Israeleskro Devel hi. Kova penas menge yaake o baro ray pral o them Persia, o Cyrus.”

Esra 6:14

Oun o phoureder i biboldendar kran pengri boudi ap o Debleskro kheer doureder. Oun i boudi djas mishto, yaake har penan kova o Debleskre rakepangre, o Haggay oun o Zakarie, koleskro dad o Iddo his. Oun yon čivan o kheer pre, oun kran halauter yaake har les lenge o Israeleskro Devel penas oun pal i laba, kay penan i raya pral o them Persia, o Cyrus, o Darius oun o Artaxerxes.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Esra 6:3

An o ersto bersh, kay o Cyrus baro ray vas, moukas lo te penell: O Debleskro kheer an o foro Yerusalem hounte vell pale pre-čiddo, yaake te vell lo i platsa, kay venn firhe anlo oun pre rhačedo o Debleske. Oun i massurya hounte venn neves kerdo. O kheer hounte vell triyanda metarya bares, oun triyanda metarya bourhles,

Esra 7:27

Sharedo vell o baro Devel, ko Devel mare phourendar! Yob hi kova, kay čivas sau koova an o rayeskro dji, te nay vell o baro Debleskro kheer an o foro Yerusalem yaake raylo oun shoukar!

Debleskri gili 106:46

Oun yob kras, te dikan lauter kolla lačes ap lende, kay len pandan.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Jesaja 44:28

Me hom kova, hoy ap o Cyrus penell: “Tou dess garda ap mire menshende har i bakrengro ap peskre bakre.” Oun yob krell lauter, hoy kamau, te krell lo. Pral o foro Yerusalem penell lo: “Čivenn les pale pre!” Oun pral o Debleskro baro kheer penell lo: “Čivenn leskre barra pale pre!”

Jesaja 45:1

Kava penell o baro Devel ap o Cyrus, koles yob vin rodas, te vell lo baro ray: Me taprom tiro čačo vast, te vitsrap vavar themma tel tire herya, oun te lap i rhare lengre bare rayendar krik, te venn voudya pre kerdo glan toute, te ačenn foreskre voudya gar pandlo glan toute.

Jeremia 1:1

Kalla hi kol laba, hoy o Yeremia rakras. Leskro dad his o Hilkiya. Kova his yek kol rashayendar an o gab Anatot an o them Benyamin.

Jeremia 29:10

Kova penell o baro Devel: Ap ko tsiro, kay hi i Babilonarya efta-deesh bersha i raya pral t'mende, dikau me pale ap t'mende, te rikrap miro lačo lab oun anau t'men pale khere.

Ezekiel 38:5

Mank lende hi lourde dran Persia, Etiopia, oun Libia pengre sasterne stadjentsa oun pengre shiltentsa.

Daniel 1:21

Oun o Daniel ačas pralstouno bis an o ersto bersh, kay o Cyrus baro ray his.

Daniel 2:1

Oun an ko tsiro, har o Neboukadnezar an o douyto bersh o baro ray his, his les i souni, kay les savi daar kras, te nay sovas lo bouder gar dren.

Daniel 6:25

Oun o baro ray moukas kol morshen glan peste te anell, kay kova ap o Daniel pre anan. Oun yob moukas len an i grouba te vitsrell pash i leve, len oun lengre čaven oun romyen ninna. Oun har yon gomme gar ap i phoub tele van, tapran i leve len, oun phagan lengre kokale.

Daniel 9:2

An kava ersto bersh, kay yob kote o baro ray his, dom me, o Daniel, yak ap kova, hoy an o Debleskre lila činlo hi, kote kay penell o baro Devel ap peskro rakepaskro, o Yeremia, te ačell o foro Yerusalem 70 (efta-deesh) bersha khetne dino čiddo.

Johanni 1:23

Yob penas: “Me hom kova, kay dell gole an o moulo them: Lenn halauter krik, hoy o Debleske an o drom čiddo hi. Yaake penas kova o Debleskro rakepaskro, o Yesaya, glan i rah tsiro.”