Efesarja 6:4 - O Debleskro Lab 2024 (Sinte-Manouche)

⁴ T'mer dada, ma rhoyrenn t'mare čaven! Penenn lenge, hoy o Devel lendar kamella, oun sikrenn lende, har te djan le ap o Debleskro drom!

O Debleskro Drom 2021 (Sinte)

⁴ Tumer dada, ma choirenn tumare tchawen! Penenn lenge, hoi o Dewel lendar kamella, un sikrenn lende, har te djan le ap o Debleskro drom!

Efesarja 6:4 Iomraidhean Croise

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

1. Familjakro liil 28:20

Oun o David penas ap peskro čaveste, o Salomo: “Ab zorelo, ma traash oun kre tout ap i boudi! Ma dare či oun ma traash kekestar! O baro Devel, maro ray, kay miro Devel hi, hi pash toute oun vell touke ap i rig. Oun yob moukell tout gar, bis te tou kay tseli boudi ap o baro Debleskro kheer kral.

1. Familjakro liil 29:19

Oun miro čaveste Salomo de i čačo dji, te rikrell lo tire laba, oun krell, hoy tou lestar kameh, oun djivell pal tiro čačepen; te krell yob ninna lauter, te vell touke kava kheer kerdo, koleske kava tselo koova khetne anom.

Gosewe laba 19:18

Činge tiro čaveha yaake rah har yob terno hi, oun ap toute shounella. De yak, te dess les gar yaake, te merell lo.

Gosewe laba 22:15

Tikne čave krenn dinelo koova. Te rhan le dava, krenn le kova bouder gar.

Gosewe laba 22:6

Sike i tikno čaves peskro drom, palle djal yob gar kolestar krik, ninna te vell lo phouro.

Gosewe laba 29:15

Te lell i čavo i phagi oun vell leske penlo, hoy lo gar mishto kras, palle vell lo gosevo. I čavo, kay ap peste kokres yak hounte dell, savo anell ladj ap peskri date.

Gosewe laba 29:17

Sike tiro čaves zoreles, hoy lo gar mishto kras. Palle krell lo tout barhtelo. Oun tou hounte ladjess leske gar.

Jesaja 38:19

Kolla, kay djivenn, ava, i djide hi kolla, kay sharenn tout, yaake har me sharau tout kava dives. I dada penenn pengre čavenge, kay tou tiro lab rikreh.

5. Mose 4:9

Denn zoreles yak ap t'mende, te bistrenn gar – yaake rah har djivenn, – hoy t'mare yakentsa dikan! Oun penenn t'mare čavenge oun lengre čavenge,

5. Mose 6:7

oun peness len ninna tire čavenge, te bistrenn le len gar. Rake lendar, te hal khere beshdo, oun te djah ap o drom, oun te čiveh tout tele oun te steh pale pre.

Kolossarja 3:21

T'mer dada, ma avenn gar yaake rhoyedo ap t'mare čaven, te darenn le t'mendar an o dji!

2. Timoteo 1:5

Dikom tiro patsepen, an koleste kek rhorhepen hi. Kava patsepen his ninna an tiri mamyate Lois, oun an tiri date Eunike. Oun me djinau, kay djivell kava patsepen ninna an toute.

2. Timoteo 3:15

Tou prindjreh o Debleskro lab foun tiknes pre. Oun ko lab das tout o gosvepen, te hatsal o drom pash o Yezous Kristeste oun hayval, tou hounte patsess ap o Yezous Kristeste, te less ko djipen, hoy gar pre-herella.

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”

Čačepangre 13:12

Oun o Manoa penas: “Te vell kova yaake, har tou les penal, hoy hounte kras pale leha? Hoy nay krell lo, oun hoy nay krell lo gar?”